દાહોદઃ પોલીસ ઉપર ગાડી ચડાવવાનો પ્રયાસ કરી બે બૂટલેગરો ભાગ્યા, પોલીસે ફિલ્મી ઢબે નિલેશ- રાજુને દબોચી લીધા

સાબિર ભાભોર, દાહોદઃ દાહોદ જિલ્લો (dahod) રાજસ્થાન (Rajasthan) અને મધ્યપ્રદેશની (Madhya Pradesh) સરહદે આવેલી જિલ્લો છે. ત્યારે દારૂબંધી (liquor ban) વાળા ગાંધીના ગુજરાતમાં બુટલેગરો (bootlegger) દ્રારા અલગ અલગ રીતે બંને રાજ્યો માથી દાહોદ જિલ્લાની સરહદોમાં થઈ ગુજરાતમાં વિદેશી દારૂ ઘુસાડવામાં આવતો હોય છે તેને લઈને જિલ્લા પોલીસ અવાર નવાર દારૂ ઝડપી ગુજરાતમાં લઈ જતો અટકવાય છે તેમ છતાં મોટાપાયે દારૂ ગુજરાતમાં પહોચેં છે.

દાહોદ તાલુકાનાં કતવારા પોલીસને મળેલી બાતમી પ્રમાણે એક બોલેરોમાં વિદેશી દારૂનો જથ્થો મધ્યપ્રદેશથી ગુજરાત તરફ આવી રહ્યો હોવાની બાતમીને લઈને કતવારા પોલીસ સ્ટેશનના પીએસઆઇ જે.બી. ધનેશા સ્ટાફ સાથે સરહદી રસ્તાઑ ઉપર વોચમાં હતા.

ત્યારે બોલેરો ગાડી આવતા ચાલકે પોલીસ ઉપર ગાડી ચડાવવાનો પ્રયાસ કરી ફરાર થઈ ગયા હતા પરંતુ સદનસીબે પોલીસ કર્મમીઑનો બચાવ થયો હતો અને પોલીસે બોલેરો ગાડીનો પીછો કરી દાહોદના નવાગામ ખાતે આંતરીને ઝડપી લીધો હતો.

જેમાં બે બુટલેગર 1- નિલેશભાઈ મડીયાભાઇ ગણાવા 2- રાજુભાઇ વરસિગ ભાભોરની ઝડપી લઈ ગાડીમાં તપાસ કરતાં 48 હજારની કિમતની બીયરની 1104 બોટલો તેમજ બોલેરો સહિત 4.60 લાખનો મુદ્દામાલ કબ્જે લઈ બંને આરોપીઓ વિરુધ્ધ કાયદેસરની કાર્યવાહી હાથ ધરી છે.