દાહોદઃ માતાએ બાળકોને મસ્તી ન કરવા ઠપકો આપ્યો, પતિએ પત્નીની કરી હત્યા, ચાર સંતાનો થયા માતા વિહોણા

સાબિર ભાભોર, દાહોદઃ માણસ ગુસ્સો (Anger) કે આવેશમાં હોય ત્યારે સંતુલન ગુમાવી દે છે અને ક્યારેક આજ આવેશમાં ન કરવાનું કામ કરી દે છે. અને ગુસ્સો શાંત થયા પછી માત્ર પસ્તાવા સિવાય કોઈ વિકલ્પ નથી હોતો. દાહોદ જિલ્લાના (Dahod) ધાનપુર તાલુકાના (Dhanpur taluka) ડુમકા ખાતે (Dukama) પરિણીતાએ પોતાના (Mother stop children fun) બાળકોને મસ્તી કરવા મામલે ઠપકો આપી થપ્પડ મારતા પતિએ ઉશ્કેરાઈને માથાના ભાગે લાકડાના ફટકા (husband killed wife) મારી દેતા ચાર સંતાનની માતાનું કરુણ મોત નીપજ્યું.

મળતી માહિતી પ્રમાણે ડુમકાના રહેવાસી વિક્રમભાઈ ઉર્ફે લાલાભાઈ પસાયાના લગ્ન આશરે 15 વર્ષ પહેલાં દેવગઢબારીયા તાલુકાના પુવાળાની મીનાબેન સાથે થયા હતા. સુખી દામ્પત્યજીવનમાં દંપતીને એક પુત્રી અને ત્રણ પુત્રોએ જન્મ લીધો હતો.

ખેતી અને મજૂરી કામ કરી ગુજરાન ચલાવતા પરિવારમાં બાળકો ઘરમાં મસ્તીમાં મસ્ત હતા અને તેમના તોફાન મસ્તીથી અકળાઈને મીનાબેને બાળકોને શાંત કરવા માટે થપ્પડ મારી દેતા ઘરમાં હાજર પતિ રોષે ભરાઈ ગયા હતા .

અને મીનાબેન સાથે મારકુટ કરી નજીકમાં પડેલ લાકડાના ફટકા માથાના ભાગે મારી દેતા મીનાબેનનું ઘટનાસ્થળે જ મોત નીપજ્યું હતું. પત્નીને મૃત્યુ પામેલી જોઈ આરોપી પતિ ફરાર થઈ ગયો હતો.

બનાવની જાણ ધાનપુર પોલીસને કરાતા પોલીસ ઘટના સ્થળે પહોંચી મીનાબેનના પિયરમાં જાણ કરતા પરિવારજનો ડુમકા ખાતે દોડી આવ્યા હતા અને મૃતકના પિતાની ફરિયાદના આધારે ધાનપુર પોલીસે વિક્રમ ઉર્ફે લાલા વિરુદ્ધ હત્યાનો ગુનો નોંધી ગણતરીના સમયમાં આરોપી પતિની ધરપકડ કરી લીધી હતી.