દાહોદના ચાંદાવાડામાં બે બાઇક વચ્ચે અકસ્માત, ત્રણ લોકોનાં મોત

દાહોદના ચાંદાવાડા ખાતે બે બાઇક વચ્ચે અકસ્માત સર્જાયાની ઘટના બની છે. અકસ્માતમાં બે લોકોના મોત થયા છે જ્યારે બે ઘાયલ થયા છે. જેમને સારવાર અર્થે હોસ્પિટલ ખસેડવામાં આવ્યા હતા. સારવાર દરમિયાન ઇજાગ્રસ્ત પૈકી એકનું પણ મોત થયું હતું. આમ બાઇક અકસ્માતમાં ત્રણના મોત થયા છે. આ અંગે જાણ થતાં પોલીસ ઘટના સ્થળે પહોંચીને આગળની કાર્યવાહી હાથધરી હતી. (નરેન્દ્ર ભુવેચિત્રા, દાહોદ)

મળતી માહિતી પ્રમાણે દાહોદના ચાંદાવાડા ખાતે ફૂલ સ્પીડમાં આવતા બે બાઇકો વચ્ચે ભયાનક ટક્કર થઇ હતી.

આ ટક્કરમાં બે બાઇક ઉપર આવતા ચાર લોકો જમીન ઉપર પટકાયા હતા. જેમાં બે સ્ત્રી અને બે પુરુષ હતા. જે પૈકી બેના ઘટના સ્થળે મોત થયા હતા.

સાથે સાથે બે લોકો ઇજાગ્રસ્ત થતાં તેમને સારવાર માટે હોસ્પિટલ ખસેડાયા હતા જે પૈકી એકનું સારવાર દરમિયાન મોત નીપજ્યું હતું.

ટક્કર એટલી ભયાનક હતી કે બંને બાઇકોનોા ભુક્કા બોલાઇ ગયા હતા.

આ અંગે જાણ થતાં પોલીસ ઘટના સ્થળે પહોંચીને લાશને પોસ્ટમોર્ટમ માટે મોકલી આગળની કાર્યવાહી હાથધરી હતી.