Corona Update: ગુજરાતમાં કોરોના વાયરસના કેસમાં સામાન્ય ઘટાડો, અમદાવાદની શાળામાં 2 વિદ્યાર્થીઓનો રિપોર્ટ પોઝિટિવ

Gujarat Corona Update: વિશ્વના અનેક દેશો કોરોનાવાયરસની ચોથી લહેરનો સામનો કરી રહ્યા છે (Fourth Wave of Coronavirus) ત્યારે ભારતમાં કોરોનાના નવા કેસમાં સતત ઘટાડો થઈ રહ્યો છે. ગુજરાત રાજ્યમાં વેક્સિનેશનની તેજ રફતારના કારણે ત્રીજી લહેર સમાપ્ત થઈ ગઈ છે. જોકે હજુ ક્યાંક ક્યાંક છૂટાછવાયા નવા કેસો નોંધાતા રહે છે. દરમિયાન આજે 12-5-2022 સંધ્યાએ રાજ્યમાં કોરોનાવાયરસના (Gujarat corona Cases) નવા 28 કેસ નોંધાયા છે. જે ગઇકાલની તુલનામાં 3 કેસ ઓછા છે.

રાજ્યમાં આજે અમદાવાદ શહેરમાં 20 નવા કેસ નોંધાયા છે. આ ઉપરાંત વડોદરા શહેરમાં 02, આણંદમાં 01, ગાાંધીનગર કોર્પોરેશનમાં 01, જામનગરમાં 01, ખેડામાં 01, મહેસાણામાં 01 અને સુરતમાં 01 મળીને કુલ 28 નવા કેસ નોંધઆયા છે.

રાજ્યમાં આજે કુલ 23 દર્દી સાજા થયા છે. જેમાં અમદાવાદ શહેરમાં 09, વડોદરા શહેરમાં 08 દર્દીઓ સાજા થયા છે. ત્યાં જ ગાંધીનગર કોર્પોરેશનમાં 03,વડોદરામાં 03 મળીને કુલ 23 દર્દી સાજા થઇને પોતાના ઘરે ગયા છે.

રાજ્યમાં હવે 188 એક્ટિવ કેસ છે, કુલ 01 દર્દી વેન્ટિલેટર પર છે. તમામ 187 દર્દીઓ સ્ટેબલ છે. કુલ 12,13,490 ર્દીઓ ડિસ્ચાર્જ થઈ ગયા છે. રાજ્યમાં કોરોનાના કારણે 10944 મોત સરકારી ચોપડે થયા છે.

તમને જણાવી દઇએ કે, અમદાવાદ શહેરમાં (Ahmedabad) વેજલપુરમાં આવેલી ઝાયડસ સ્કૂલમાં (Zydus Szchool, Ahmedabad) 2 વિદ્યાર્થીઓના કોરોનાના રિપોર્ટ પોઝિટિવ (Corona in Ahmedabad) આવ્યો છે. આ વિદ્યાર્થીઓનો કોરોના રિપોર્ટ પોઝિટિવ આવતા શાળા બંધ કરી દેવમાં આવી છે અને વિદ્યાર્થીઓને વેકેશન આપી દેવામાં આવ્યું છે.