નસવાડીઃ ST બસને નડ્યો અકસ્માત, વિદ્યાર્થીઓએ કરી બૂમાબૂમ

નસવાડીના ક્વાંટ રોડ ઉપર કડવા ગામ પાસે એસ.ટી. બસ અને બાઇક વચ્ચે અકસ્માત સર્જાયો હતો. અકસ્માત થતાં જ એસટી બસ ચાલક બસને સ્થળ ઉપર મુકીને ફરાર થઇ ગયો હતો. જોકે, બસમાં ફસાયેલા બાળકોએ બુમાબુ કરી મુકતા સ્થાનિક લોકોના ટોળાં એકઠાં થઇ ગયા હતા. અને ફસાયેલા બાળકોને બહાર કાઢવામાં આવ્યા હતા.

મળતી માહિતી પ્રમાણે નસવાડીના ક્વાંટ રોડ ઉપર કડવા નજીક એસટી બસને અકસ્માત નડ્યો હતો. આજે બુધવારે સવારે બાઇક અને બસ વચ્ચે અકસ્માત થયો હતો.

અકસ્માતના પગલે ગભરાયેલો બસ ચાલક ઘટના સ્થળે બસ મુકી ફરાર થઇ ગયો હતો.

સાથે સાથે બસમાં સવાર વિદ્યાર્થીઓએ બસમાં ફસાતા બુમાબુમ કરી મુકી હતી.

વિદ્યાર્થીઓની બુમાબુમ કરતા સ્થાનિક લોકોના ટોળાં એકઠાં થઇ ગયા હતા.

ત્યારબાદ બસમાં ડ્રાઇવર સાઇડનો રસ્તો ખોલી બહાર કાઢવામાં આવ્યા હતા.

અકસ્માતમાં ઇજાગ્રસ્ત બાઇક ચાલકને સારવાર માટે હોસ્પિટલ ખસેડવામાં આવ્યો હતો.

અકસ્માત ગ્રસ્ત બસની તસવીર