છોટાઉદેપુરઃ બ્રિજની પાળી તોડી વાહન કેનાલમાં ખાબક્યું

છોટાઉદેપુરના બોડેલી નજીક એક વાહન બ્રિજની પેરાફિટ તોડીને કેનાલમાં ખાબક્યું હોવાની ઘટના બની છે. ઘટનાની જાણ થતાં પોલીસની એક ટીમ ઘટના સ્થળે પહોંચી છે. જોકે, આ વાહનમાં કેટલા લોકો સવાર હતા એ હજી જાણી શકાયું નથી. ઉપરથી દેખાવમાં રીક્ષા ટેમ્પો જણાઇ રહ્યો છે પરંતુ પાણીમાંથી બહાર નીખળે પછી કયું વાહન છે એ માલુમ પડશે.

મળતી માહિતી પ્રમાણે છોટાઉદેપુરના બોડેલી નજીક સોમવારે રાતના સમયે એક વાહન બ્રિજ પરથી પસાર થઇ રહ્યું હતું.

આ સમયે વાહન ચાલકે અચાન સ્ટિયરિંગ ઉપરથી કાબુ ગુમાવતા વાહન બ્રિજની પેરાફિટ તોડીને નીચે કેનાલમાં ખાબક્યું હતું.

આ ઘટના અંગે જાણ થતાં જ પોલીસની ટીમ અને સ્થળ ઉપર પહોંચીને તપાસ હાથધરી હતી.

જોકે પ્રાથમિક તપાસમાં વાહનમાં કેટલા માણસો સવાર હતા એ પણ જાણી શકાયું નથી

સાથે સાથે સ્થાનિક લોકોના ટોળા પણ સ્થળ ઉપર એકઠાં થયા હતાં. વાહને બહાર કાઢવા માટેની તજવીજ હાથ ધરાઇ છે.