છોટાઉદેપુરઃ ઇંટો ભરેલી ટ્રક ઝાડ સાથે અથડાઇ, એક વ્યક્તિનું ઘટનાસ્થળે મોત

છોટાઉદેપુર જિલ્લાના બોડેલીમાં ઇંટો ભરેલી ટ્રક ઝાડ સાથે અથડાતા અકસ્માત સર્જાયો હતો. આ અકસ્માતમાં એક વ્યક્તિનું ઘટના સ્થળે મોત નીપજ્યું હતું. આ અંગે પોલીસ ઘટના સ્થળે પહોંચીઆગળની કાર્યવાહી હાથધરી હતી. (અલ્લારખા પઠાણ, છોટાઉદેપુર)

મળતી માહિતી પ્રમાણે છોટાઉદેપુરના બોડેલીના જંબુગામ મેરિયા બ્રિજ પાસેથી ઇંટો ભરેલી ટ્રક પસાર થઇ રહી હતી.

આ સમયે આજે રવિવારે સવારે ટ્રક ચાલકે સ્ટેયરિંગ ઉપરથી કાબુ ગુમાવતા ટ્રક ઝાડ સાથે અથડાઇ હતી. જેના પગલે ટ્રકમાં સવાર એક વ્યક્તિનું ઘટના સ્થળે મોત નીપજ્યું હતું.

સુત્રોના જણાવ્યા પ્રમાણે આ ટ્રક વાઘોડિયાથી ઇંટો ભરીને આવતી હતી.

આ ઘટનાની જાણ થતાં પોલીસ ઘટના સ્થળે પહોંચીને આગળની કાર્યવાહી હાથધરી હતી.