છોટાઉદેપુરઃ MPની સરહદે સફેદ રેતી માફિયાઓના ઝઘડામાં ફાયરિંગ, એકનું મોત

છોટાઉદેપુરમાં રેતી લિઝની તકરામાં એક વ્યક્તિની હત્યા કરવાની ચકચારી ઘટના બની છે. મધ્ય પ્રદેશના સરહદે આવેલા ખડકવાડા ગામમાં ખાનગી ફાયરિંગમાં એક વ્યક્તિની હત્યા કરવામાં આવી છે. ઓરસંગ રેતીની ગુજરાત મહારાષ્ટ્ર મધ્ય પ્રદેશ બોર્ડર પર સફેદ રેતી માફિયાઓના ગેંગવોરમાં એક વ્યક્તિની હત્યા કરવામાં આવી છે. ઘટનાની જાણ કરવામાં આવતા પોલીસ ઘટના સ્થળે પહોંચીને વધુ તપાસ હાથધરી છે. (અલ્લારખ્ખા પઠાણ, છોટાઉદેપુર)

મળતી માહિતી પ્રમાણે છોટાઉદેપુર જીલ્લાની મધ્ય પ્રદેશની સરહદે આવેલા ખડકવાડા ગામમાં સફેદ રેતી માફિયાઓ વચ્ચે મંગળવારે રાત્રે ગેંગવોર થયું હતું. આ વોરમાં ખાનગી ફાયરિંગ થયાની આશંક સેવાઇ હતી. જેમાં એક વ્યક્તિને ગોળી વાગતા ઇજાગ્રસ્ત થયો હતો.

ફાયરિંગમાં વ્યક્તિ ઇજાગ્રસ્ત થયો હોવાની જાણ થતાં જ પોલીસ અને 108 એમ્બ્યુલન્સ ઘટના સ્થળે પહોંચી હતી. 108 એમ્બ્યુલન્સ દ્વારા ઇજાગ્રસ્ત વ્યક્તિને ખાનગી હોસ્પિટલ અને જિલ્લા આરોગ્ય કેન્દ્રમાં લાવવામાં આવ્યો હતો.

જ્યાં તબીબોએ તેને મૃતજાહેર કર્યો હતો. ઉલ્લેખનીય છે કે, ઓરસંગ નદી જે ગુજરાત, મહારાષ્ટ્ર અને મધ્ય પ્રદેશમાંથી પસાર થાય છે જેમાં સફેદ રેતીની ખનન પ્રવૃત્તિ જોરસોરથી થાય છે.