PM નરેન્દ્ર મોદીના ડ્રીમ પ્રોજેક્ટ બુલેટ ટ્રેન પ્રોજેક્ટનું કામ પુરજોશમાં, શું છે વિશેષતા?

વિભુ પટેલ, અમદાવાદઃ મુંબઈ અમદાવાદ હાઇસ્પીડ રેલ પ્રોજેકટ (Mumbai Ahmedabad High Speed Rail Project) વડાપ્રધાન નરેન્દ્ર મોદીનો (PM Narendra Modi) ડ્રિમ પ્રોજેકટ છે. મુંબઈથી અમદાવાદ 508 કિલોમીટરનો હાઇસ્પીડ રેલ કોરિડોર બનશે. અને બુલેટ ટ્રેન (Bullet train) માટેના ગુજરાતમાં (Gujarat) 8 સ્ટેશન બનશે. જો કે કોરિડોર તૈયાર કરવા માટે પીલ્લર બનાવવાનું કામ ચાલી રહ્યું છે. બુલેટ ટ્રેન પ્રોજેક્ટ માટે અમદાવાદ જિલ્લામાં 97 ટકા જમીન સંપાદનની (Land acquisition) કામગીરી પૂર્ણ થઈ છે.

દસકોઈ, મણિનગર, વટવા, અસારવા, સાબરમતી, ઘાટલોડિયાના જમીન સંપાદનની કામગીરી પૂર્ણ થયું છે. મણિનગર વટવા કાલુપુર અસારવા શાહીબાગ સાબરમતી વિસ્તારમાંથી ટ્રેક પસાર થશે. તેમજ કાળી ગામ અને ચેઇનપુર 83 હેકટર જમીન પર બુલેટ ટ્રેન મેન્ટેનન્સ ડેપો બનશે. જેમાં જમીન સંપાદન કામગીરી પૂર્ણ થવાના આરે છે.97 ટકા જમીન સંપાદનનું કામપૂર્ણ થયું છે. અને બાકી રહેલા 3 ટકા જમીન સંપાદનની કામગીરી માર્ચ મહીના પૂર્ણ થઈ જશે.

અમદાવાદ જિલ્લા કલેકટર સંદીપ સાગલે ન્યુઝ 18 ગુજરાતી સાથે વાત કરતા જણાવ્યું છે કે બુલેટ ટ્રેનના પ્રોજેકટ માટે અમદાવાદ જિલ્લામાં જમીન સંપાદનની 97 ટકા કામગીરી પૂર્ણ થઈ ગઈ છે.અને જમીન સંપાદનની કામગીરી માર્ચ મહીનામ પૂર્ણ કરી દેવામાં આવશે.

બુલેટ ટ્રેનનો પ્રયોજેટ પૂર્ણ થશે ત્યારે અમદાવાદમાં બુલેટ ટ્રેનની એક વિશેષતા રહેશે. ચીમનભાઈ બ્રિજ ઉપરથી મેટ્રો ટ્રેક પસાર થઈ રહ્યો છે. મેટ્રો ટ્રેક પરથી છે. બુલેટ ટ્રેનનો ટ્રેક પસાર થશે. જેના માટે 22 મીટર હાઈટના બીબ તૈયાર કરશે. જો કે અમદાવાદ સાબરમતીમાં બુલેટ ટ્રેન સ્ટેશન બનશે.

અત્યારે ટર્મિનલ તૈયાર થઈ રહ્યું છે. અમદાવાદ જિલ્લામાંથી બુલેટ ટ્રેનનો 28 કિલોમીટર ટ્રેક પસાર થશે. 47.95 હેકટર જમીન સંપાદન કરવામાં આવી છે અને 1108 કરોડનું વળતર ચુકવવામાં આવ્યુ છે.

214 રહેણાંક વિસ્તારને જમીન સંપાદન માટે વળતર ચુકવવામાં આવ્યું છે તે ઉપરાંત દરેક પરિવાર ને 17.76 લાખ જમીન સંપાદન ઉપરના આપ્યા છે. અને કુલ 21.31 કરોડ રૂપિયા ચૂકવ્યા છે.જો કે બુલેટ ટ્રેન પ્રોજેકટ કામ પુરજોશમાં ચાલી રહ્યું છે.