PM Modi in Gujarat: પીએમ મોદીનો સાંજે ત્રીજો રોડ શો થશે, આ રૂટથી પહોંચશે ખેલમહાકુંભમાં

PM Modi in Gujarat: વડાપ્રધાન મોદીની ગુજરાત મુલાકાતનો આજે બીજો દિવસ છે વડાપ્રધાન મોદીનો આજે ગાંધીનગરથી દહેગામ (Gandhinagar Dehgam) રોડ શો (Road show) યોજાયો હતો. પીએમ મોદીએ ત્યારબાદ રાષ્ટ્રીય રક્ષા યુનિવર્સિટી (Rashtriya Raksha University)ના ભવનનું લોકાર્પણ કરી અને દિક્ષાત સમારોહને સંબોધન કર્યુ હતું. આજે પીએમ મોદીનો સાંજે વધુ એક રોડ શો યોજાશે.

પીએમ મોદી સાંજે ગાંધીનગર રાજભવન ખાતેથી ખેલમહાકુંભ સુધી જશે. આ દરમિયાનમાં પીએમ મોદી જે રૂટ પરથી પસાર થશે. તે આ મુજબ છે. પીએમ મોદી સાંજે 6.30 વાગ્યાની આસપાસ ત્યાં પહોંચશે.

પીએમ મોદી ઈન્દિરા બ્રીજથી સરદાર પટેલ સ્ટેડિયમ સુધી રોડ શો કરી શકે છે. જેના રૂટમાં ઈન્દિરાબ્રીજ, એરપોર્ટ સર્કલ, શાહીબાગ ડફનાળા, સુભાષબ્રીજ, ગાંધી આશ્રમ, વાડજ સર્કલ, સરદાર પટેલ સ્ટેડિયમ સુધીનો રૂટ નક્કી કરવામાં આવ્યો છે.

આજે સવારે પીએમ મોદીના રોડ શોમાં ગરમીમાં પણ મોટી જનમેદની ઉમટી પડી હતી. જાણકારો આ રોડ શો અને શક્તિ પ્રદર્શનને વહેલી ચૂંટણીના એંધાણ તરીકે જુવે છે પરંતુ રાજ્યમાં વહેલી ચૂંટણીના કોઈ એંધાણ નથી. રાજ્યમાં નવેમ્બર ડિસેમ્બર માસમાં નિયત સમયે જ ચૂંટણી યોજાશે.

રાજયમાં વિધાનસભાની ચૂંટણીનો માહોલ તૈયાર કરવા માટે પીએમ મોદીએ બે દિવસમાં મજબૂત પાયો નાખી દીધો છે. સીઆર પાટિલ રાજ્યમાં મિશન 182 લઈને આગળ વધી રહ્યા છે ત્યારે ભાજપ ગુજરાતમાં પીએમ મોદી સીએમ હતા એ વખતે જીતેલી સીટોનો રેકોર્ડ તોડી શકશે એ તો જોવું જ રહ્યુ