પ્રણવ પટેલ, અમદાવાદ : વ્યસન મુક્તિ, બેરોજગારી મુદ્દે આંદોલન કારી અને ગુજરાત ક્ષત્રિય ઠાકોર સેનાના પ્રમુખ તેમજ ભાજપના નેતા અલ્પેશ ઠાકોરના પુત્ર ઉત્સવ ઠાકોરના લગ્ન યોજાયા હતા. લગ્નની વિશેષતા એ રહી હતી., કે પોતાના પુત્રના લગ્ન ખુબ જ સાદગીથી કર્યા હતા. અને સમાજને ખોટા ખર્ચાથી બચાવા માટે એક નવી રાહ ચીધી છે.
અલ્પેશ ઠાકોરના પુત્ર ઉત્સવે પિતાની વગરની દીકરી ઉર્વશી સાથે લગ્ન કરી ઠાકોર સમાજને મેસેજ આપ્યો છે. ગત 30 જાન્યુઆરીના રોજ વંસત પંચમીના રોજ ઉત્સવ અને ઉર્વશીએ પ્રભુતામાં પગલા માડ્યા હતા.
પૈસો અને રાજકીય બળ હોવા છતાં પણ પોતે પોતાના સમાજના કુરિવાજોને અને માભ અને ઠાઠને બદલે સાદગી સભરના લગ્ન કરી સમાજને પણ આવા જ લગ્નમાં જોડાવાનું મેસેજ આપ્યો છે
ન્યૂઝ18 ગુજરાતી સાથે અલ્પેશ ઠાકોરે વાતચિત કરતા જણાવ્યુ હતું 'કે સાદગીથી લગ્ન કરવાનું કારણ એ છે કે લોકો એક બીજાની દેખાદેખી કરી ખર્ચે લગ્ન કરી કરજમાં ઉતરી જતા હોય છે ત્યારે હું મારા દીકરાના લગ્ન કરવા માટે સક્ષમ છું. પરંતુ સાદગીથી મારા દીકરાના લગ્ન કરવા પાછળનો મુખ્ય ઉદ્દેશ્ય સમાજને એક મેસેજ જાય અને સમાજ પણ આ રાહ પર તરફ વળે.'
ઉત્સવ અલ્પેશ ઠાકોરે થરાની વતની અને ગરીબ પરિવારમાં ઉછરેલી સ્વ.દિનેશભાઇ ઠાકોરની લાડકોડથી પુત્રી ઉર્વી સાથે 30 જાન્યુઆરીના રોજ વસંતપંચમીના દિવસે સાદગી સભર રીતે કર્યા છે.
ઉર્વીએ બાળપણમાં જ પોતાના પિતાની છત્રછાયા ગુમાવી દીધી હતી. ઉર્વીના પણ ઘણા અરમાનો હતા કે તેને પિતા સમાન સસરા મળે ત્યારે અલ્પેશ ઠાકોરનો પરિવાર ઠાકોર સમાજમાં આગવું સ્થાન ધરાવે છે.
અલ્પેશ ઠાકોરને સંતાનોમાં બે પુત્ર જ છે ત્યારે ઉર્વી પિતાની ખોટ ન વર્તાય અને એટલા જ લાડકોડ સાથે પુત્રવધૂને લક્ષમીજીની જેમ પોતાના પરિવારની પુત્રવધુ બનવાનો અલ્પેશ ઠાકોરના પરિવારને હર્ષ છે.
નોંધનિય છે કે થોડા સમય પહેલા જ અલ્પેશ ઠાકોરે પોતાના જ ભત્રીજાના લગ્ન ધામધૂમથી કર્યા હતા. પરંતુ સમાજમાં એક દાખલો બેસાડવા ગરીબ પરિવારની પિતા વગરની દીકરી સાથે પોતાના દીકરાના લગ્ન કરી સમાજને એક નવો રાહ ચીંધ્યો છે.
2017ની ચૂંટણી પૂર્ણ થયા બાદ અલ્પેશ ઠાકોરના ભત્રીજા લગ્ન અમદાવાદના એસજી હાઇવે પર પાર્ટી પ્લોટમાં ભવ્ય રીતે યોજયા હતા. આ સમારોહમાં ગુજરાત સરકારના મંત્રીથી લઇ અનેક નામી અનામી નેતાઓ અને અધિકારીઓ ઉપસ્થિત રહયા હતા.
