અમદાવાદ : IIMની વિદ્યાર્થિનીએ કર્યો આપઘાત, હૉસ્ટેલમાં ફાંસો ખાઈ જિંદગી ટૂંકાવી લેતા ખળભળાટ

નવીન ઝા, અમદાવાદ : દેશની સૌથી રેપ્યુટેડ અને ટોપની બી-સ્કૂલ એવી અમદાવાદ IIM (ઇન્ડિયન ઇન્સ્ટિટ્યૂટ ઑફ મેનેજમેન્ટ)માં અભ્યાસ કરતી એક આશાસ્પદ યુવતીએ આજે કેમ્પસમાં જ આપઘાત (Suicide) કરી લેતા ચકચાર મચી ગઈ છે. ભણવા ગણવામાં અવ્વલ ગણાતા વિદ્યાર્થીઓ અને ટોચના મેનેજમેન્ટ પ્રૉફેશનલ્સને તૈયાર કરતી સંસ્થામાં આ પ્રકારની ઘટનાથી શિક્ષણ જગતમાં કુતૂહલ સર્જાયું છે.

બનાવની વિગત એવી છે કે IIM-Aમાં અભ્યાસ કરતી દૃષ્ટી કાન્હાનીએ આજે બપોરે તેના હૉસ્ટેલના રૂમમાં આપઘાત કરી લેવાની માહિતી સામે આવતા સન્નાટો વ્યાપી ગયો હતો. દૃષ્ટી તેના રૂમમાં એકલી હતી ત્યારે તેણે પંખા સાથે દુપટ્ટો બાંધીને આપઘાત કરી લેવાની ઘટના સામે આવી હતી.

મૂળ બિહારના મુજફ્ફરપુર ની દ્રષ્ટિ કાન્હાની 25 વર્ષની હતી અને તે પીજીના સેકેન્ડયરમાં અભ્યાસ કરી રહી હતી. બપોરે 4 વાગ્યાના અરસામાં કેમ્પસના સિક્યોરિટી ઇન્ચાર્જ દ્વારા આ અંગે પોલીસને જાણ કરવામાં આવી હતી જેથી સેટેલાઇટ પોલીસ ઘટના સ્થળે પહોંચી હત અને તપાસનો ધમધમાટ શરૂ કર્યો હતો.

પોલીસે યુવતીના મૃતદેહને પોસ્ટમોર્ટમ માટે મોકલી અને અકસ્માતે મોતનો ગુન્હો નોંધીને તપાસ હાથ ધરી છે. પોલીસે યુવતીનો મોબાઇલ કબ્જે લીધો છે જેના પરથી આત્મહત્યાની ગુત્થી ઉકેલવામાં મદદ મળી શકે છે. જોકે, ભણવા ગણવામાં એવી હોનહાર દૃષ્ટીને કઈ એવી બાબતની ચિંતા સતાવતી હતી કે તેના કારણે તેણે આપઘાતનું પગલું ભર્યુ તે તપાસનો વિષય બન્યો છે.

આ મામલે સેટેલાઈટ પી આઈ જે.બી.અગ્રવાત નું કેહવું છે કે વિધાર્થીની નું મોબાઈલ કબ્જે લેવા માં આવ્યું છે અને જે હાલ લોક છે અને જે fsl ની મદદ લઈ અમે મોબાઈલ ની તપાસ કરીશુ અને મોબાઈલ ની તપાસ માં સામે આવી શકશે કે આપઘાત પાછળ નું કારણ શુ છે..અને જો કોઈ ના કારણે આ ઘટના બની હશે તો દ્રષ્ટિ ને ન્યાય મળે તે માટે કાર્યવાહી કરીશુ..