આજે રાજ્યના 6 જિલ્લા અને 2 મનપામાં કોરોનાના નવા કેસ શૂન્ય, એક્ટિવ કેસ ગગડીને 5010 થયા

અમદાવાદઃ ગુજરાતમાં ત્રીજી લહેર એકદમ (coronavirus third wave) ધીમી પડી ગઈ છે. ગુજરાતભરમાં રોજે રોજ ઓછા કેસ નોંધાઈ રહ્યા છે. ત્યારે છેલ્લા 24 કલાકમાં ગુજરાતમાં કોરોના વાયરસની (Gujarat coronavirus update) સ્થિતિ અંગે વાત કરીએ તો રાજ્યમાં આજે  20 ફેબ્રુઆરીએ  કોરોનાના 377 કેસ નોંધાયા હતા. જ્યારે  9 દર્દીઓના મોત નીપજ્યા હતા. બીજી તરફ રાજ્યમાં દર્દીઓ (covid-19 patient) 1147 સાજા થયા હતા. જ્યારે રાજ્યમાં કોરોનામાંથી સાજા થવાનો દર વધીને 98.70 ટકા થયો હતો.

રાજ્યમાં આજે 6 જિલ્લા અને 2 મનપામાં કોરોનાના શૂન્ય કેસ નોંધાયા છે. જ્યારે અમદાવાદ શહેરમાં 131, વડોદરા શહેરમાં 41, બનાસકાંઠામાં 18, સુરત શહેરમાં 18, અરવલ્લીમાં 15, ગાંધીનગર શહેરમાં 13, મહેસાણામાં 12, પાટણમાં 11 કેસનો સમાવેશ થાય છે.

આ ઉપરાંત ખેડા, સુરત જિલ્લામાં 8-8, કચ્છ-પંચમહાલમાં 7-7, રાજતોટમાં 6, અમદાવાદ જિલ્લો, ગાંધીનગર, નવસારી, તાપીમાં 5-5 કેસ નોંધાયા છે. તાપીમાં 4, ભરૂચ, ભાવનગર, દાહોદ, મહીસાગર, વલસાડમાં 3-3 કેસ, ભાવનગર શહેર, ડાંગ, સાબરકાંઠામાં 2-2 કેસ નોંધાયા છે. જ્યારે અમરેલી, ગીરસોમનાથ,જામનગર, મોરબી, રાજકોટ શહેરમાં 1-1 કેસ નોંધાયો છે સુરેન્દ્રનગરમાં 1 કેસ નોંધાયો છે.

આજે રાજ્યમાં બોટાદ, છોટાઉદેપુર, દેવભૂમિ દ્વારકા, જામનગર શહેર, જૂનાગઢ જિલ્લો, જૂનાગઢ શહેક, નર્મદા, પોરબંદરમાં 0-0 કેસ નોંધાયા છે. રાજ્યમાં આજે વડોદરા શહેરમાં 4, વડોદરા જિલ્લામાં 1,ભાવનગર શહેરમાં 1, જામનગર શહેરમાં 2, સુરત જિલ્લામાં મળીને કુલ 9 મોત થયા છે.

રાજ્યમાં એક્ટિવ કેસનો આંકડો ગગડીને 5010 પર પહોંચી ગયો છે. કુલ 41 દર્દી વેન્ટિલેટર પર છે જ્યારે કુલ 4969 દર્દી સ્ટેબલ છે. આજે ડિસ્ચાર્જ થયેલા દર્દીઓની સંખ્યા 1204656 પર પહોંચી છે. કુલ મૃત્યુઆંક 10896 પર પહોંચી ગયો છે. આજે રાજ્યમાં કુલ 44497 દર્દીઓનું રસીકરણ થયું છે.