corona Update: રાજ્યના 06 મહાનગર અને 30 જિલ્લામાં કોરોનાનો સફાયો, નવા 13 કેસ નોંધાયા

Gujarat Corona Update: રાજ્યમાં આજે કોરોના વાયરસના (Gujarat corona Cases) 13 નવા કેસ નોંધાયા છે. રાજ્યના 3જિલ્લા અને 2 મહાનગરમાં જ આ નવા કેસ નોંધાયા છે. રાજ્યના 30 જિલ્લા અને 5 મહાનગરમાં આજે કોરોનાના નવા કેસ શૂન્ય છે. રાજ્યમાં આ સાથે આજે એક પણ મોત થયું નથી. રાજ્યમાં આજે કોરોનાના 02 દર્દીઓ વેન્ટિલેટર પર છે. ગઈકાલે 07 કેસ નોંધાયા હતા જ્યારે તેની સામે આજે 13 કેસ નોંધાયા છે.

રાજ્યમાં આજે અમદાવાદ મહાનગરમાં 08, વડોદરા શહેરમાં 02, ગાંધીનગર, પાટણી, વડોદરા જિલ્લામાં 1-1 મળીને કુલ 13 નવા કેસ નોંધાયા છે. આની સામે આજે રાજ્યમાં 04 દર્દી સાજા થયા છે. રાજ્યમાં કોરોનાના એક્ટિવ કેસની સંખ્યામાં હળવો વધારો નોંધાયો છે.

રાજ્યમાં રાજકોટ શહેર જિલ્લો, સુરત શહેર જિલ્લો, વડોદરા જિલ્લો, ભાવનગર શહેર જિલ્લો, જામનગર શહેર જિલ્લો, ગાંધીનગર શહેર જિલ્લો, જૂનાગઢ શહેર જિલ્લો, આ તમામ શહેર જિલ્લામાં કોરોનાનો એક પણ કેસ નોંધાયો નથી તો આજે વડોદરામાંથી 02, અમદાવાદ શહેરમાં 01, કચ્છમાં 01 મળીને કુલ 04 દર્દી સાજા થયા છે.

રાજ્યમાં હવે 76 એક્ટિવ કેસ છે, કુલ 02 દર્દી વેન્ટિલેટર પર છે. કુલ 74 દર્દીઓ સ્ટેબલ છે. કુલ 12,12,963 દર્દીઓ ડિસ્ચાર્જ થઈ ગયા છે. રાજ્યમાં કોરોનાના કારણે 10942 મોત થયા છે.

રાજ્યમાં આજે કુલ 43,403 દર્દીઓનું રસીકરણ થયું છે. અત્યારસુધીમાં 10,63,40,482 રસીના ડોઝ આપવામાં આવ્યા છે જ્યારે રાજ્યનો રિકવરી રેટ 99.10 ટકા જેટલો છે.