corona Update: રાજ્યમાં હોળીના તહેવારમાં કોરોનાનો સફાયો, રેકોર્ડબ્રેક 31 જિલ્લામાં નવા કેસ શૂન્ય

<br />Gujarat Corona Update: રાજ્યમાં આજે કોરોના વાયરસના (Gujarat corona Cases) 24 નવા કેસ નોંધાયા છે. રાજ્યના 2 જિલ્લા અને 4 મહાનગરમાં જ આ નવા કેસ નોંધાયા છે. રાજ્યના 31 જિલ્લા અને 4 મહાનગરમાં આજે કોરોનાના નવા કેસ શૂન્ય છે. હોળીની પૂર્વ સંધ્યાએ રાજ્યમાં 53 દર્દી સાજા થયા છે. ગુજરાતમાં બાળકોનું રસીકરણ (Corona vaccination) પણ પૂરજોશમાં શરૂ થયું છે ત્યારે રાજ્યમાંથી કોરોના મુક્ત ગુજરાત ગમે ત્યારે જાહેર થઈ શકે છે.

<br />આજે 17મી માર્ચે હોળીના તહેવારની વચ્ચે ગુજરાતના વડોદરા જિલ્લામાં 2, પાટણ જિલ્લામાં 1 કેસ નોંધાયો છે જ્યારે અમદાવાદ શહેરમાં 14, વડોદરા શહેરમાં 03, ગાંધીનગર શહેરમાં 02, સુરત શહેરમાં 02 કેસ નોંધાયા છે. રાજ્યમાં 31 જિલ્લા અને 4 મહાનગરમાં કોરોનાના નવા કેસ શૂન્ય છે.

રાજ્યમાં આજે અમદાવાદ જિલ્લો, અમરેલી, આણંદ, અરવલ્લી, બનાસકાંઠા, ભરૂચ, ભાવનગર શહેર જિલ્લો, બોટાદ, છોટાઉદેપુર, દાહોદ, ડાંગ, દેવભૂમિ દ્વારકા, ગાંધીનગર, ગીરસોમનાથ, જામનગર શહેર જિલ્લો, જૂનાગઢ શહેર જિલ્લો, ખેડા, કચ્છ, મહીસાગર, મહેસાણા મોરબી, નર્મદા, નવસારી, પંચમહાલ, પોરબંદર, રાજકોટ શહેર જિલ્લો, સાબરકાંઠા, સુરત, સુરેન્દ્રનગર, તાપી અને વલસાડમાં કોરોનાના નવા શૂન્ય કેસ નોંધાયા છે.

રાજ્યમાં હવે ફક્ત 414 એક્ટિવ કેસ છે જ્યારે ફક્ત 06 દર્દીઓ વેન્ટીલેટર પર છે. રાજ્યમાં કુલ 408 દર્દીઓ સ્ટેબલ છે જ્યારે 12, 12,357 દર્દીઓ સાજા થઈ ગયા છે. કોરોનાના કારણે રાજ્યમાં કુલ 10939 દર્દીઓનાં અત્યારસુધીમાં મોત થયા છે.

આજે તમામ કેટેગરીમાં કુલ 1,59,743 વ્યક્તિઓનું રસીકરણ થયું છે જ્યારે કુલ 10,45,58,501 વ્યક્તિઓને રસી આપવામાં આવી છે. ગુજરાતનો રિકવરી રેટ 99.07 ટકાએ પહોંચી ગયો છે. રાજ્યમાં કોરોનાની સ્થિતિ આમ જોતા સંપૂર્ણપણે કાબૂમાં છે.