અમદાવાદ : પાંચ શખ્સો સામે સામૂહિક દુષ્કર્મની ફરિયાદ, MD ડ્રગ્સનો નશો કરી રાજકોટની યુવતીની ઇજ્જત લૂંટી
કોર્પોરેટમાં નોકરી આપવાની લાલચી આપી પાંચ શખ્સોએ અમદાવાદ અને રાજસ્થાન લઈ જઈ શિયળ લૂંટ્યુ, અમદાવાદ ક્રાઇમ બ્રાન્ચને સોંપાઈ તપાસ
નવીન જહા, અમદાવાદ : અમદાવાદ મહિલા પોલીસ સ્ટેશનમાં (Ahmedabad Woman Police Station) 5 નરાધમો સામે ગેંગરેપની (Gang Rape Case) ફરિયાદ નોંધાઈ છે. સૌરાષ્ટ્રની યુવતીને કોર્પોરેટર હાઉસમાં (Corporate Job) નોકરી આપવાની લાલચ આપી ભવિષ્ય બનવાનું કહી આરોપીઓએ એમડી ડ્રગ્સનો (MD Drugs) નશો કરી ગેંગરેપ કાર્યા નો આક્ષેપ ફરિયાદમાં કરાયો છે ત્યારે ગેંગરેપ કેસની તપાસ અમદાવાદ ક્રાઇમ બ્રાંચ ને સોંપાઈ છે. આ 5 શખ્સો એવા નરાધમ લોકો છે જેમણે એક યુવતીની જિંદગી બનાવવાનું કહી જિંદગી બરબાદ કરી નાખી છે.
આ લોકો પોતાના અન્ય સાગરીતો સાથે મળી યુવતી સાથે અવારનવાર ગેંગ રેપ કર્યો અને એ પણ નશીલી વસ્તુઓનું સેવન કરીને યુવતીને રાજસ્થાન લઈ જઈ ત્યાં પણ ગેંગ રેપ કર્યા હોવાનું સામે આવ્યું છે. આ મામલે તપાસ ક્રાઈમ બ્રાન્ચને સોંપી દેવા માં આવી છે. મળતી માહિતી પ્રમાણે યુવતી સાથે ગત ઑગસ્ટ મહિના માં આરોપી માલદેવના સંપર્કમાં આવી હતી અને ત્યાર બાદ આરોપી માલદેવે પોતાના મિત્ર જીતેન્દ્ર ગોસ્વામી અને પ્રજ્ઞનેશ પટેલ સાથે મિત્રતા કરાવી હતી.
