Gujarat Corona Case: ગુજરાતમાં થશે કોરોના ફ્રી, માત્ર નવા 17 કેસ નોંધાયા, એકપણ મોત નહીં

અમદાવાદઃ ચીનમાં કોરોના વાયરસની નવી લહેરની (coronavirus new wave) આશંકા સેવાઈ રહી છે કોરોના કેસોમાં વધારો થઈ રહ્યો છે. ત્યારે ભારતમાં પણ કોરોના વાયરસની ચોથી લહેરનો (coronavirus fourth wave) ખતરો વર્તાઈ રહ્યો છે. જોકે, આ પરિસ્થિતિ વચ્ચે ગુજરાતમાં કોરોના વાયરસ (Gujarat coronavirus updates) ગાયબ થઈ રહ્યો છે. છેલ્લા 24 કલાકમાં કોરોના વાયરસના કેસોની વાત કરીએ તો નવા 17 કેસ નોંધાયા હતા.

ગુજરાત સરકારના આરોગ્ય વિભાગ દ્વારા જાહેર કરાયેલા આંકડા પ્રમાણે ગુજરાતમાં છેલ્લા 24 કલાકમાં કોરોના વાયરસના નવા 17 કેસ નોંધાયા છે. જ્યારે 43 દર્દીઓ કોરોનામાંથી સાજા થયા છે. છેલ્લા 24 કલાકમાં કોરોના વાયરસના કારણે એક પણ દર્દીનું મોત થયું નથી. આમ રાજ્યમાં કોરોનામાંથી સાજા થવાનો દર 99.08 ટકા છે.

રાજ્યના વિવિધ જિલ્લા અને મહાનગરપાલિકાઓમાં કોરોના વાયરસની સ્થિતિ અંગે વાત કરીએ તો અમદાવાદ કોર્પોરેશનમાં 8, બનાસકાંઠામાં 2, વડોદરા કોર્પોરેશનમાં 2, ભરૂચમાં 1, ગાંધીનગરમાં 1, મહેસાણામાં 1, રાજકોટ કોર્પોરેશનમાં 1, વડોદારમાં 1 કેસ નોંધાયો હતો. આ ઉપરાંત બાકીના જિલ્લા અને મહાનગરપાલિકાઓમાં એકપણ કોરોનાનો કેસ નોંધાયો નથી. (પ્રતિકાત્મક તસવીર)

ગુજરાતમાં અત્યારના એક્ટીવ કેસોની વાત કરીએ તો અત્યારે 358 એક્ટીવ કેસ છે. જેમાંથી 6 વેન્ટીલેટર ઉપર છે અને 352 સ્ટેબલ છે. અત્યાર સુધીમાં રાજ્યમાં કુલ 10,939 લોકોએ પોતાના જીવ ગુમાવ્યા છે. (પ્રતિકાત્મક તસવીર)

રાજ્યમાં રસીકરણ અંગેની વાત કરીએ તો શુક્રવારે સાંજના પાંચ વાગ્યાથી આજે શનિવારે સાંજના ચાર વાગ્યા સુધી કુલ 95,147 લોકોને રસી આપવામાં આવી હતી. જેમાંથી 56,438 લોકોને પ્રીકોશન ડોઝ આપવામાં આવ્યો હતો. (પ્રતિકાત્મક તસવીર)