corona Update: આજે રાજ્યના 32 જિલ્લા 6 મહાનગરમાં કોરોનાના નવા કેસ શૂન્ય, 14 દર્દી સાજા થયા

<br />Gujarat Corona Update: રાજ્યમાં આજે કોરોના વાયરસના (Gujarat corona Cases) 07 નવા કેસ નોંધાયા છે. રાજ્યમાં હવે નામ પૂરતા પોઝિટિવ કેસ નોંધાઈ રહ્યા છે. આજે રાજ્યના 32 જિલ્લા અને 06 મહાનગરમાં કોરોનાનો એક પણ કેસ નોંધાયો નથી. . આમ ગુજરાત કોરોના મુક્ત થઈ ગયું છે. હવે બે ચાર દિવસમાં શૂન્ય કેસ આવે તો પણ નવાઈ નહીં. દરમિયાનમાં આજે 14 દર્દી સાજા થયા છે તો વિદ્યાર્થીઓનું રસીકરણ પૂરજોશમાં શરૂ છે.

રાજ્યમાં આજે અમદાવાદ શહેરમાં 04, વડોદરા શહેરમાં 02, વલસાડમા 01 કેસ મળીને 7 કેસ નોંધાયા છે. આ સિવાયના તમામ જિલ્લાઓ અને જિલ્લાના મહાનગરોમાં કોરોનાના નવા કેસનું કાસળ નીકળી ગયું છે. ગુજરાત કોરોના મુક્ત થઈ રહ્યુ છે અને ટૂંક સમયમાં શૂન્ય કેસ આવી જાય તો પણ નવાઈ નહીં

આજે અમદાવાદ શહેરમાં 06, વડોદરા શહેરમાં 04, અમદાવાદ જિલ્લામાં 01, આણંદમાં 01, ગાંધીનગર જિલ્લામાં 01, તાપીમાં 01 મળીને કુલ 14 કેસ નોંધાયા છે.

રાજ્યમાં કોરોનાના ફક્ત 69 એક્ટિવ કેસ છે. આ એક્ટિવ કેસ પૈકીના માત્ર 02 દર્દીઓ વેન્ટિલેટર પર છે. રાજ્યમાં 67 દર્દીઓ સ્ટેબલ છે જ્યારે કે કુલ 12,12,900 દર્દીઓ અત્યારસુધીમાં સાજા થઈ ગયા છે. રાજ્યનો મૃત્યઆંક 10942 પર યથાવત છે.

આજે રાજ્યમાં કુલ 66,885 વ્યક્તિઓને રસી આપવામાં આવી છે. રસીકરણ અને સાજા થતા દર્દીઓના કારણે રાજ્યનો રિકવરી રેટ 99.10 ટકા જેટલો નોંધાયો છે. ગુજરાતમાં અત્યારસુધીમાં કુલ 10,62,29,668 રસીના ડોઝ આપવામાં આવ્યા છે.