1/ 5
ભારતનું સૌપ્રથમ સી પ્લેન (Indias first seaplane) અમદાવાદનાં સાબરમતી રિવરફ્રન્ટથી કેવડિયાના સ્ટેચ્યૂ ઓફ યુનિટી (Ahmedabad Sabarmati riverfront to Kevadia, Statue of Unity) વચ્ચે શરૂ થવા જઇ રહ્યું છે. 31મી ઓક્ટોબરે સરદાર વલ્લભભાઇ પટેલની જયંતિ છે. તે દિવસને એકતા દિવસ તરીકે પણ ઉજવાય છે. ત્યારે વડાપ્રધાન નરેન્દ્ર મોદી (PM Narendra Modi) કેવડિયા ખાતેથી સી પ્લેનનું ઉદ્ઘાટન કરાવશે. પીએમ મોદી સી પ્લેન દ્વારા અમદાવાદથી કેવડિયા પહોંચશે.
2/ 5
આ સી પ્લેનનું ભાડું આજે સરકાર દ્વારા ઘટાડવામાં આવ્યું છે. સરકારની ભલામણના કારણે સંચાલક કંપની સ્પાઇસજેટ શટલ દ્વારા ભાડું ઘટાડીને રૂપિયા 1500 વ ન વેનુ નક્કી કરવામાં આવ્યું છે. આમ સી પ્લેનના ભાડામાં ધરખમ ઘટાડો કરવામાં આવ્યો છે. સી-પ્લેનનું ભાડું ઘટાડવાથી લોકોને મોટી રાહત થશે અને સામાન્ય વર્ગ પણ કેવડિયા સીપ્લેનમાં બેસવાનું સ્વપ્ન જોઈ શકશે.
3/ 5
સી પ્લેન શરૂ થવામાં જ્યારે થોડા જ દિવસો બાકી છે ત્યારે અમદાવાદ અને કેવડિયા ખાતે વોટર એરોડ્રામના આખરી ઓપની તડામાર તૈયારીઓ ચાલી રહી છે. નર્મદા ડેમના તળાવ નંબર 3 પાસે જેટી અને વોટર એરોડ્રામ બનાવવાની કામગિરી લગભગ હવે પૂર્ણ થઈ ગઈ છે. ફ્લોટિંગ જેટીને તળાવમાં ઉતારી દેવામાં આવી છે. જે સી પ્લેનમાં ગેસ્ટ આવશે તેને ચઢવા ઉતારવા માટે એક ટર્મિનલ બની ગયું છે. આ જેટી 24 મીટર બાય 9 મીટરની છે. જે જમીનથી એક બ્રિજ દ્વારા કનેક્ટ કરવામાં આવી છે.
4/ 5
અમદાવાદની વાત કરીએ તો, અમદાવાદ રિવરફ્રન્ટ પર બે માળનું એરોડ્રામ તૈયાર કરવામાં આવ્યું છે. વોટર એરોડ્રામ પર હવાની દિશા જાણવા માટે એર બેગ લગાવવામાં આવી છે. ટિકિટ વિન્ડો, વેઈટિંગ રૂમ, ડોર ફ્રેમ મેટલ ડિટેક્ટર, લગેજ સ્કેનિંગ મશીન સહિતની વ્યવસ્થાને આખરી ઓપ અપાઈ ગયો છે. બે માળના વોટર એરોડ્રામમાં જમણી બાજુથી એન્ટ્રી આપવામાં આવી છે. જ્યાં ડોર ફ્રેમ મેટલ ડિટેક્ટર મૂકવામાં આવશે. પ્રવેશની સાથે જ મુસાફરો માટે વેઈટિંગ રૂમમાં ખુરશીઓ અને લગેજ સ્કેનિંગની માટે મશીન મૂકવામાં આવ્યું છે. સાથે જ બિલ્ડીંગમાં એક રૂમ તૈયાર કરવામાં આવ્યો છે, જ્યાં મેડિકલ ઈમરજન્સીની તમામ વ્યવસ્થા કરાઈ છે.
5/ 5
સી-પ્લેનની ખાસિયતોની વાત કરીએ તો, રોજ અમદાવાદથી કેવડિયા વચ્ચે 8 જેટલી ટ્રીપ લગાવશે. અમદાવાદથી 4 ફ્લાઇટ ઉડાન ભરશે. એક વ્યક્તિની ટિકિટના ભાવ 4800 રૂ. રહેશે. સી પ્લેનની કેપેસિટી 19ને ઉડાન કરાવાની રહેશે. 14 મુસાફરોને એક ટ્રિપમાં સી પ્લેનમાં બેસાડવામાં આવશે. સાંજે 6 વાગ્યા પછી સી પ્લેન ઉડાન નહીં ભરે, ફ્લાઇટ બંધ કરવામાં આવશે. 220 કિમીની યાત્રા સી-પ્લેન 45 મિનિટમાં પૂરી કરશે.
