અમદાવાદની Science Cityમાં શરૂ થશે રોબોટિક ગેલરીની અદભુત દુનિયા: જ્યાં રોબોટ કરશે તમારી સાથે વાત

સંજય ટાંક, અમદાવાદ: આજનો યુગ ટેકનોલોજીનો યુગ છે. ત્યારે અમદાવાદની સાયન્સ સિટીમાં રોબિટીક ટેકનોલોજીનો અદભુત નજારો આપને જોવા મળવાનો છે. રોબોટિક ગેલેરીમાં પહોંચતાની સાથે રિસેપશમાં ઉભેલો રોબોટ તમારી સાથે વાતચીત કરશે. અસલ માણસ જેવા દેખાતા રોબોટને જોઈને તમે પણ ચોંકી ઉઠશો અને અહીં તમને વેલકમ કરવા માટે પણ આ રોબોટ તૈયાર છે.

રિસેપશનમાં ઉભેલો રોબોટ તેમને આખી ગેલરી વિશે ગાઈડ પણ કરશે. આ અદભુત રોબોટિક દુનિયાનું લોકાર્પણ પ્રધાનમંત્રી નરેન્દ્ર મોદીના હસ્તે થશે.  સાયન્સ સિટીમાં એક અદભુત રોબોટિક ગેલરીનું પણ નિર્માણ કરાયું છે.

1100 સ્કવેર મીટર વિસ્તારમાં પથરાયેલ ગેલરીમાં રોબોટિક ટેકનોલોજીના અતિ આધુનિક યુગનું પ્રદર્શન કરવામાં આવ્યું છે.  સાયનસ સિટીમાં 127 કરોડના ખર્ચે રોબોટિક ગેલરીમાં 79 પ્રકારના 200થી વધુ રોબોટ અહીં આકર્ષણનું કેન્દ્ર બન્યા છે.

અહીં ગેલરીમાં પ્રવેશતા જ રોબોટ તમને વેલકમ કરશે. રોબોટ તમને ગેલરીની માહિતી આપતા ગાઈડ પણ કરશે. અહીં રોબોટ એકબીજા સાથે ફાઈટ કરતા પણ નજરે પડશે અને પેઇન્ટ કરતા કે પેઇન્ટિગ કરતા રોબોટ પણ અહીં જોવા મળશે. રોબોટિક ગેલરીને 10 અલગ અલગ ઝોનમાં મુકવામાં આવી છે. જેમાં કોર્ટયાર્ડ, રીસેપ્શન એરિયા, હિસ્ટ્રી ગેલરી, સ્પોર્ટઓ મેનિયા, રોબોથોન, બોટયીલિટી, નાટ્યમંડપ, પ્રિન્ટિંગ વર્કશોપ જેવા વિવિધ રોબોટ એ આકર્ષણનું કેન્દ્ર બન્યા છે.

તો આ છે સાયન્સ સીટીમાં તૈયાર કરાયેલા રોબોટિક ટેકનોલોજીના નજારો. રોબોટિક ગેલરી સહિત અહીં વિવિધ પ્રોજેકટનું કામ છેલ્લા બે વર્ષથી ચાલતું હતું. જે હવે  તૈયાર થઈ ચૂક્યું છે.

પ્રધાનમંત્રી નરેન્દ્ર મોદીનું આગામી ગુજરાત મુલાકાત સમયે આ પ્રોજેક્ટ ખુલ્લા મુકવામાં આવશે. મહત્વનું છે કે, છેલ્લા બે વર્ષથી આ રોબોટિક ગેલરી બનાવવા માટે કામ ચાલી રહ્યું હતું. અને હવે આ રોબોટિક ગેલરી તૈયાર થઈ ચૂકી છે.