અમદાવાદઃ વસ્ત્રાપુરમાં ધાબા ઉપર કેરમ રમતા ચારની ધરપકડ, જુગાર રમતા લોકો પણ ડ્રોન કેમેરામાં કેદ

રાજ્યભરમાં નોવેલ કોરોના વાયરસના (coronavirus) કેસોમાં સતત વધારો જોવા મળ્યો છે. ત્યારે અમદાવાદમાં વાયરસ થી સંકમિત થવાના કેસો વધતા અમદાવાદ પોલીસ (Ahmedabad police) દ્વારા લોકડાઉનનો કડક પણે અમલ કરાવવામાં આવી રહ્યો છે. જેને પગલે પોલીસ ડ્રોન કેમેરાથી સોસાયટીઓ અને મહોલ્લામાં એકઠા થતા લોકો પર નજર રાખી રહી છે સાથેજ  રોડ પર નજરે પડ્યા તો પણ ગુનો નોંધશે. અમદાવાદની વસ્ત્રાપુર પોલીસે  સ્વાગત એપાર્ટમેન્ટના ધાબા પર બેસી કેરમ રમતાં 4 શખ્સની ધરપકડ કરી છે. (નવીન ઝા, અમદાવાદ)

પોલીસે ડ્રોન રોડ પર પેટ્રોલિંગ દરમિયાન ચેકિંગ કરતા તેમજ સીસીટીવી (cctv) ફુટેજથી નજર રાખે છે ત્યારે સ્વાગત એપાર્ટમેન્ટ પાસે પોલીસ ડ્રોન ઉડાડી તપાસ કરતા ફ્લેટના ધાબા પર ચાર લોકો કેરમ રમતા દેખાયા હતા .

જેથી પોલીસે ઓળખ કરી કૃણાલ, જયનીત ગોસ્વામી, ધૈર્ય શાહ અને હર્ષ નામના વ્યક્તિઓ સામે ગુનો નોંધી ધરપકડ કરવામાં આવી છે. નોંધનીય છે કે આ રીતે અગાઉ બોલી બોલ રમતા પણ 11 લોકો ઝડપાઇ ગયા હતા.

ત્યારે એક એવી પણ માહિતી સામે આવી છે કે અમદાવાદના પૂર્વ વિસ્તાર માં કેટલાક લોકો છત ઉપર ભેગા થઈ ને જુગાર રમી રહયા હતા અને પોલીસે જ્યારે ડ્રોન ઉડાવી ત્યારે તમામ લોકો ભાગી ગયા હતા.

મળતી માહિતી પ્રમાણે ઓઢવ વિસ્તાર માં લોકો જુગાર રમી રહયા હતા હાલ પોલીસે તમામ લોકો સામે ગુનો નોંધી આગળ ની તપાસ શરૂ કરી છે..નોંધનીય છે કે એક બાજુ કોરોના નો પ્રકોપ વધ્યું છે ત્યારે લોકો નિયમ ભંગ કરી રહયા છે તે ખુબજ ગંભીર બાબત છે.