તમારો પણ ચહેરો કરશે Glow, નવરાત્રીમાં ફોલો કરો આ બ્યૂટી રૂટીન

નવરાત્રી કાલથી શરૂ થાય વી રહી છે. આ નવરાત્રીએ ભલે તમને ગરબા રમવા મળે કે ના મળે. પણ પોતાના ઘરમાં તમને સરસ મજાના તૈયારથી એક ફોટો તો ચોક્કસથી પડાવી શકો છો. નવરાત્રી આવવાની સાથે જ અનેક મહિલાઓ તેમના સ્કીન ટોન અને ચહેરાની રંગતને લઇને વધુ સભાન થઇ જાય છે. તો જો આ નવરાત્રીમાં તમે તમારા ચહેરોનો Glow કરવા માંગો છો તો તમારે રોજ આ બ્યૂટી રૂટિન ફોલો કરવાનું રહેશે. જો કે આ બ્યૂટી રૂટિન ખૂબ જ સરળ છે. અને જો તમે તેને હંમેશા માટે પણ ફોલો કરશો તો પણ તમારા ચહેરાને તેનાથી લાભ થશે.

આ માટે તમારે આ બ્યૂટી રીટન ફોલો કરવાની સાથે 8-10 ગ્લાસ પાણી, રોજનું એક ફ્રૂટ અને સારી ઊંઘ પણ લેવાની છે. જેથી તમારા ચહેરામાં અંદરથી ગ્લો આવે. જો તમે રોજ આ બ્યૂટી રૂટીન ફોલો કરશો તો તમારી પણ ત્વચા ચમકશે. તો જાણી લો આ બ્યૂટી રૂટીન.

રોજ સવારે ઊઠીને ચહેરા પર કાચુ દૂધ લગાવો અને પછી 5 મિનિટ પછી ચહેરાને એન્ટી ક્લોક મસાજ કરી ચહેરો હુફાળા પાણીથી સાફ કરી લો. અને પછી ચીક બોન્સ પર ધીનું એક ડ્રોપ મૂકીને મસાજ કરો. ત્યારે પછી 15 મિનિટ પછી કોટનથી ચહેરો પાણીથી સાફ કરી લો.

આ પછી રાતે સૂતા પહેલા ફરીથી કાચા દૂધને તમારા ચહેરા પર લગાવો અને 10 મિનિટ આમ જ રહેવા દો. અને પછી મસાજ કરી ચહેરો પાણીથી સાફ કરી લો. આ પછી અડધું કેળી અને એક ચમચી મધ નાખી આ ક્રશ કેરલી પેસ્ટથી ચહેરા પર હળવા હાથે મસાજ કરો. તે પછી 10 મિનિટ પછી ચહેરો સાફ કરી લો. અને હવે ચહેરા પર એલોવેરા, ગ્લિસરીન અને લીંબુનું મિશ્રણ લગાવો. એક ચમચી એલોવેરા જેલમાં 3 ટીપા ગ્લિસરીન અને 2-3 ડ્રોપ લીબુ નાંખી મિક્સ કરો અને આ પેસ્ટ ચહેરા પર લગાવી સુઇ જાવ.

વધુમાં જો તમને ખીલ વધુ થતા હોય તો સપ્તાહમાં એક વાર લીમડાના એક ચમચી રસમાં મુલતાની માટી અને ચપટી હળદર મિક્સ કરીને આ પેસ્ટને ચહેરા પર લગાવો. સાથે જ સપ્તાહમાં એક વાર ચહેરાને સ્ટીમ પણ આપો. અને પછી ચહેરા પર મધ અને ગુલાબ જળ લગાવી 5 મિનિટ રહેવા દો અને ચહેરો સાફ કરી લો.

આ બ્યૂટી રૂટીન ફોલો કરવાથી તમારો ચહેરો ગ્લો કરવા લાગશે. ત્વચા પણ કોમળ બનશે. અને નિખાર અને રંગતમાં પણ ફરક જોવા મળશે. ડિસ્કેલમર - ઉપરોક્ત જાણકારી સર્વ સામાન્ય માહિતી પર આધારિત છે. ન્યૂઝ 18 ગુજરાતી આની પુષ્ટી નથી કરતું. ઉપરોક્ત વસ્તુનો ઉપયોગ કરતા પહેલા જાણકાર કે ડોક્ટરની સલાહ લેવી જરૂરી છે.