આપણા દાદી-નાની કેમ દૂધ બાદ તૂરંત પાણી ન પીવાનું કહેતા હતા, જાણો છો કારણ?

લાઇફ સ્ટાઇલ ડેસ્ક: કહેવાય છે કે, દૂધ એક પૂર્ણ પૌષ્ટિક આહાર છે. આયરન અને કેલ્શિયમ યુક્ત દૂધ આપણને કેટલીએ સ્વાસ્થ્ય સંબંધી બિમારીઓમાં રામબાણ ઇલાજ સાબિત થાય છે. જો નિયમિત દૂધનું સેવન કરવામાં આવે તો શરીરમાં મિનરલ્સ અને વિટામિનની જરૂરતને પૂરૂ કરે છે. હાડકા મજબૂત બનવાની સાથે જ શરીરમાં એનર્જી પણ રહે છે.

ઘરનાં વડિલોનાં મોઢે એટલે કે દાદી-નાનીનાં મોઢે આપે ઘણી વખત સાંભળ્યું હશે કે, દૂધ પીધા બાદ તૂરંત પાણી ન પીવું જોઈએ. આ સિવાય ખાટા ફળોનું પણ સેવન ન કરવું જોઈએ. શું તમે વિચાર્યું છે કે, કેમ વડીલો આપણને આવું કરવાની ના પાડતા હતા.

એક ગ્લાસ ગરમ દૂધ બાદ જો તમે પાણી પીવો છો તો, તેનાથી તમારૂ પેટ ખરાબ થઈ શકે છે, અને પાચન ક્રિયા પર ખરાબ અસર પડે છે. વડીલોનું માનીયે તો, પાણી પીધા બાદ દૂધ પી શકાય પરંતુ દૂધ પીધા બાદ પાણી ન પી શકાય. જોકે આ વિષય પર હજુ સુધી કોઇ સત્તાવાર અભ્યાસ થયો નથી.

દૂધ પીધા બાદ જો તેની ઉપર પાણી પીવામાં આવે તો પેટ ભારે થઇ જાય છે. જો આપ પણ દૂધ પીધા બાદ તૂરંત પાણીનું સેવન કરો છો તો, તેનાથી તમારી મેટાબોલિઝ્મ પ્રોસેસ સ્લો થઈ જાય છે. દૂધમાં રહેલા પ્રોટિન પેટમાં એસીડીટીની સમસ્યા પેદા કરે છે. તો હવે અગામી સમયમાં દૂધ પીધા બાદ પાણી પીવામાં થોડી સાવધાની રાખો.

દૂધ પીધાનાં થોડો સમય બાદ આશે 20 મિનિટ બાદ જ પાણી પીવું. કે અન્ય કોઇ ખાટી વસ્તુનું સેવન કરવું. જોકે આ વિશે કોઇ સ્તાવાર અભ્યાસ થયો નથી. તેથી NEWS18 આ વાતની પુષ્ટિ કરતું નથી.

Disclaimer : ઉપરોક્ત જાણકારી સર્વ સામાન્ય માહિતી પર આધારીત છે. ન્યૂઝ 18 ગુજરાતી આ વાતની પુષ્ટી નથી કરતું. ત્યારે આને ઉપયોગમાં લેવા પહેલા જાણકાર કે ડોક્ટરની સલાહ લેવી જરૂરી છે.