આ કોરોના કાળમાં ગળાની સમસ્યાથી માંડી કોઇપણ પ્રકારનાં શરીરનાં દુખાવા દૂર કરશે હળદર

લાઇફ સ્ટાઇલ ડેસ્ક: આપણાં મોટેરાઓ કહી ગયા છે. કે આ જરાં વાગ્યુ છે તો હળદર ફાકી લે.. દુખાવો ઓછો થઇ જશે. સોજો આવી ગયો છે તો હળદરનો લેપ લગાવી લે.. માર વેરઇ જશે. એટલે કે કોઇપણ પ્રકારનો દુખાવો કેમ ન હોય હળદર તેમાં રાહત જરૂર આપે છે. ગળાનો દુખાવો હોય તો હળદરનું પાણી પીવો.. મૂઢ માર વાગ્યો છે તો હળદરનું દૂધ પીવો. કે પછી હળદર એમનેમ જ ફાંકી લો.. તમને રાહત અવશ્ય મળી જ જશે. ત્યારે આ કોરોના કાળમાં જો ડોક્ટરથી દૂર રહેવું છે હોસ્પિટલનાં આંટા નથી મારવાં તો સ્વસ્થ રહેવાનાં ઘરગથ્થુ ઉપાય જાણી લેવાં આવશ્યક છે. ચાલો ત્યારે નજર કરીએ હળદરનાં આવા જ ચમત્કારીક ઉપાય પર જે તમને સ્વસ્થ રાખશે અને સુંદર પણ.

રિસર્ચ મુજબ, જે લોકોને માઇગ્રેનની સમસ્યા છે તેમણે દરરોજ સવારે ખાલી પેટે હળદર ફાંકવી જોઇએ તેનાંથી માથાનો દુખાવો દૂર થાય છે. એટલું જ નહીં હળદર કેન્સર, હાર્ટની બીમારીઓથી પણ રક્ષણ આપે છે. એટલું જ નહીં સ્વાસ્થ્ય મંત્રાલય દ્વારા પણ આ કોરોના કાળમાં દરરોજ હળદરનું પાણી પીવાની સલાહ આપવામાં આવી છે.

હળદરનું નિયમિત સેવન રોગપ્રતિકારક શક્તિ વધારે છે. નાની નાની બીમારીઓ ઉપરાંત તે એન્ટીબાયોટિકનું પણ કામ કરે છે. એટલે કંઇ વાગ્યુ કર્યું હોય તો પણ તે ઉત્તમ નિવારણ સાબિત થાય છે. હળદરનું નિયમિત સેવન કરવાથી યાદશક્તિ પણ વધે છે.

એક રિસર્ચ મુજબ, દરરોજ 125 મિલીગ્રામ જેટલી હળદરનો રસ જો નિયમિત પીવામાં આવે તો હાર્ટની સમસ્યાનો પણ અંત આવે છે.

દરરોજ સવારે ખાલી પેટે એક ચમચી હળદર ફાકી જવાથી શરીર સ્વસ્થ રહે છે અને સ્કિનની કોઇપણ સમસ્યાનો ધીમે ધીમે જડમૂળથી અંત આવે છે.

દરરોજ સવારે એક ગ્લાસ નવશેકા પાણીમાં હળદરનો પાવડર મિક્સ કરીને પીવાથી ગળાની તમામ સમસ્યાનો અંત આવે છે.

પેઢાને સ્વસ્થ કરવા માટે હળદરમાં મીઠું ઉમેરીને તેનાંથી બ્રશ કરો બાદમાં નવશેકા પાણીથી કોગળાં કરી લો. આરામ મળશે.

ત્વચાને સ્વસ્થ રાખવા માટે, આપ હળદરની પેસ્ટ બનાવી શકો છો. જો આપની સ્કિન ડ્રાય હોય તો મલાઇ સાથે હળદરની પેસ્ટ બનાવીને લગાવો અને જો આપની સ્કિન ઓઇલી હોય તો દહી સાથે હળદરની પેસ્ટ બનાવીને ચહેરા પર લગાવો. ચહેરો ચમકવા લાગશે. નિયમિત આ ઉપાયથી આપનો ચહેરો ચમકવા લાગશે