કેમ પગમાં દેખાય છે લાલ-લીલા નસોનાં ગુચડા, જાણો તેમાં રાહત મેળવવાનો ઇલાજ

લાઇફ સ્ટાઇલ ડેસ્ક: શિયાળાની સિઝનમાં પગની નસોમાં ગુચડા થવાનું અને નસોમાં જકડન થવાનું કે નસ પર નસ ચડી જવાની સમસ્યા સતાવતી હોય છે. જેને કારણે પગ જકડાઇ જાય છે. અને ચાલવામાં તકલીફ થાય છે. આ સમસ્યા મોટા ભાગે ગર્ભાવસ્થા દરમિયાન, વધતી ઉંમરને કારણે, કે શરીરમાં પાણીની કમીને કારણે મોટે ભાગે થાય છે. આ કારણે પગમાં સોજા પણ ચઢી જાય છે. મેદસ્વી લોકોમાં પણ આ સમસ્યા બહુ જોવા મળે છે. ચાલો ત્યારે જાણીયે, હાથ, પગ અને ચેતામાં ખેંચાણ કેમ આવે છે અને તેનાથી કેવી રીતે છુટકારો મેળવવો

શરીરને ગરમ રાખો- શિયાળામાં રુધિરવાહિનીઓમાં સોજાના કારણે ખેંચાણ પણ અનુભવાય છે. આવી સ્થિતિમાં શરીરને શક્ય તેટલું ગરમ ​​રાખવાનો પ્રયાસ કરો. આ માટે, માત્ર હીટર પર જ નહીં, આહાર પર પણ ધ્યાન આપો. ગરમ ખોરાક ખાઓ જે શરીરને અંદરથી ગરમ રાખે છે. જેમ કે હળદરનું સેવન કરો, સુંઢ ગંઠોળા અને કેસરનું સેવન કરવું.

તમારા શરીરમાં લોહીનો અભાવ ન થવા દો- આહારમાં વધુ આયર્ન સમૃદ્ધ વસ્તુઓ જેમ કે ડ્રાયફ્રૂટ, કિસમિસ, પાલક વગેરે લો. આનાથી શરીરમાં લોહીનો અભાવ નહીં થાય અને તમે પણ આ સમસ્યાથી બચી શકશો.

સ્વસ્થ આહાર સૌથી મહત્વપૂર્ણ છે- આહારમાં ખોરાકનો સમાવેશ કરવો જોઈએ, જે શરીરમાં બળતરા ઘટાડે છે. તેમજ શરીર અંદરથી ગરમ રહે, જેમા આદુ, લસણ, સૂપ, પાલક, તજ, વગેરે સામેલ કરો.

હાઇડ્રેટેડ રહો- શરીરને પાણીની કમી ન થવા દો અને આ માટે, દિવસ દરમિયાન ઓછામાં ઓછું 9-10 ગ્લાસ પાણી પીવો. સવારે, 2 ગ્લાસ નવશેકું પાણી ઉપરાંત, નાળિયેર પાણી, રસ, સૂપ જેવા પ્રવાહી આહાર લો.

વધુ શારીરિક પ્રવૃત્તિ કરો- ખૂબ લાંબા સમય સુધી એક જગ્યાએ બેસશો નહીં અને શારીરિક પ્રવૃત્તિમાં વધારો કરો. આનાથી ખેંચાણની સમસ્યા જ દૂર થશે નહીં પણ સ્નાયુઓ પણ મજબુત થશે.

મસાજથી લાભ થશે- સ્નાયુઓમાં જો ઇજા થાય તો નવશેકા સરસવ, ઓલિવ, એરંડા, લીમડાના તેલથી માલિશ કરો. આ સ્નાયુઓને પણ મજબૂત બનાવશે.