PHOTOS: લાકડાના વાસણો સાફ કરવાની રીત જાણી લો, વર્ષો સુધી રહેશે નવા

રસોઈના ગંદા વાસણોને ચમકાવવા ખૂબ જ અઘરુ હોય છે. ખાસ કરીને વાસણ જો લાકડાના હોય તો, તેની સાવધાનીપૂર્વક સાફ કરવા જોઈએ. હકીકતમાં આપણે જ્યારે બજારમાંથી તેને ખરીદી લાવીએ છીએ તો, તે ખૂબ જ સ્ટાઈલિશ અને દેખાવે સારા હોય છે. પણ જેમ જેમ આપણે તેનો ઉપયોગ કરતા જઈએ તેમ તે તેલ અને મસાલા લાગીને તે કાળા અને દેખાવે વિચિત્ર થઈ જતાં હોય છે. ત્યારે આવા સમયે આપ સિંપલ ઉપાયથી તેને નવા જેવા બનાવી શકશો.

જો આપ લાકડાના વાસણનો ઉપયોગ કરી લીંબુના રસથી તેને સાફ કરશો તો તેની ચિકણાશ સરળતાથી દૂર થઈ જશે. તેના માટે આપ પહેલા વાસણ સાફ કરી લો.બાદમાં ગરમ પાણીમાં એક બે ટીપા લીંબુનો રસ નાખો. હવે લાકડાના વાસણને 15 મીનિટ માટે તે પાણીમાં ડૂબાડીને રાખો. જો ડાઘ વધારે ગાઢ હોય તો, તેને પાણીમાં મુકી રાખો. બાદમાં તેને બહાર કાઢી કોઈ કાપડથી રગડીને સાફ કરી લો. વાસણ સરળતાથી સાફ થઈ જશે.

લાકડા પર લાગેલા ડાઘ જો જિદ્દી હોય તો, મીઠાની મદદ લઈ શકો. તેના માટે સૌથી પહેલા આપ ચોખ્ખુ પાણી લો, બાદમાં ગરમ કરી તેમાં અડધો કપ મીઠુ નાખો. આ પાણીમાં લાકડાના વાસણ અડધો કલાક ડુબાડીને રાખો. થોડી વારમાં વાસણ બહાર કાઢી કપડાથી સાફ કરી લો. વાસણ નવા જેવા ચમકવા લાગશે.

ઘાટ્ટા ડાઘને દૂર કરવા માટે આપ લીંબુ અને બેકીંગ સોડાના મિશ્રણમાં લાકડાના વાસણને ચમકાવી શકો છો. તેના માટે 4 ચમચી બેકીંગ સોડામાં એક લીંબુનો રસ ભેળવીને પેસ્ટ બનાવી લો. હવે આ પેસ્ટને લાકડાના વાસણ પર લગાવો અને થોડી વાર વાસણને ગરમ પાણીથી થોડી લો. બાદમાં કપડાથી સાફ કરી લો. તેનાથી વાણસની સ્મૈલ ગાયબ થઈ જશે.

રેગ્યુલર સફાઈ માટે આપ લિક્વિડ ડિશ વોશનો પણ ઉપયોગ કરી શકો છો. તેના માટે એક કપમાં એક ચમચી ડિશ વોશ ડિટર્જેંટ લો અને તેને પાણીમાં નાખો. હવે હળવા હાથે તેને સાફ કરો. ડ્રાઈ કર્યા બાદ ફુડ ઓયલથી ક્યારેક ક્યારેક આ વાસણને મસાજ કરો. આવું કરવાથી તેનો રંગ સારો રહેશે અને વાસણ મજબૂત રહેશે.