Summer Skin Care Tips: તરબૂચનાં જ્યુસથી સ્કિનને થાય છે અનેક ફાયદા, ઉનાળામાં આવી રીતે કરો ઉપયોગ

<br />Summer Skin Care Tips: ગરમીમાં ત્વચાની સંભાળ માટે ખાસ સ્કિન કેર રૂટીન ફોલો કરવું ખૂબ જરૂરી છે. ખાસ કરીને મહિલાઓ ઉનાળા (Summer)માં ત્વચાને ગ્લોઇંગ (Glowing Skin) અને સુંદર બનાવવા માટે મોંઘા બ્યુટી પ્રોડક્ટથી લઇને પાર્લર સુધી જવાની ઘણી રીતો અજમાવે છે. પરંતુ ગરમીમાં ચમકતી ત્વચાને જાળવી રાખવી એકદમ મુશ્કેલ કામ હોય છે. જો કે તમે ઇચ્છો તો ત્વચાને ગરમીના પ્રકોપથી દૂર રાખવા માટે તરબૂચ (Watermelon)ને તમારું ગ્લોઇંગ સિક્રેટ બનાવી શકો છો.

<br />તરબૂચ ગણાય છે નેચરલ ટોનર: ગરમીની ઋતુમાં તરબૂચ તમારી ત્વચા માટે પરફેક્ટ ટોનર સાબિત થઈ શકે છે. ત્વચા પર નિયમિત રીતે તરબૂચનો રસ લગાવવાથી છિદ્રોમાં જમા થયેલી ગંદકી સાફ થાય છે અને ત્વચાના ડાઘ-ધબ્બાથી પણ છુટકારો મળે છે. તરબૂચમાં રહેલા એન્ટી એજિંગ ગુણ ચહેરાની કરચલીઓ અને ફાઇન લાઇન્સ જેવા વધતી ઉંમરના લક્ષણોને ઘટાડવામાં મદદરૂપ થાય છે. આ સાથે જ તે શરીરમાં પાણીની ઉણપ દૂર કરે છે અને લૂઝ સ્કિનને ટાઇટ કરવાનું કામ પણ કરે છે. તરબૂચના રસમાં વિટામિન-સી પણ મળી આવે છે.

વિટામિન-સી ત્વચામાં કોલેજનનું ઉત્પાદન વધારે છે. પ્રોટીન ગણાતું કોલેજન ત્વચાના કોષોને યુવાન રાખવાનું કામ કરે છે. તે ત્વચાના રિકવર કરવાની પ્રક્રિયાને પણ ઝડપી બનાવે છે. ઉનાળાની ઋતુમાં ચહેરા પર ખીલની સમસ્યા રહે છે. જેથી તરબૂચના રસમાં રહેલા એન્ટી બેક્ટેરિયલ ગુણ ચહેરા પર ખીલથી છુટકારો અપાવે છે.

તૈલી ત્વચા પર અસરકારક : ગરમીમાં પરસેવો થવાને કારણે ત્વચા તૈલી થવા લાગે છે. ત્યારે તરબૂચનો રસ ત્વચાના છિદ્રોને ઘટાડીને વધારાનું તેલ શોષવાનું કામ કરે છે. તેમજ તરબૂચ અને સિબસિયસ ગ્રંથિમાં રહેલા વિટામિન એ ભરપૂર માત્રામાં ત્વચાને તૈલી બનતા રોકે છે.

રંગ નિખારવામાં મદદરૂપ : ત્વચાને રિફાઈન કરવામાં અને ત્વચાનો રંગ સાફ કરવામાં પણ તરબૂચ ખૂબ જ અસરકારક છે. આ માટે તરબૂચના ટુકડાને મેશ કરી તેમાં થોડું દૂધ ઉમેરીને તેનાથી ત્વચા પર મસાજ કરો. થોડા જ સમયમાં તમારી ત્વચા ચમકશે.

ઉલ્લેખનીય છે કે, તરબૂચનો રસ સુપાચ્ય, હલકો અને ઇન્સ્ટન્ટ એનર્જી આપે છે. તરબૂચમાં પાણીનું પ્રમાણ વધુ હોય છે અને તેથી તે ખાવાથી ત્વચામાં પાણીની કમી થતી નથી. એટલે કે ત્વચા હાઇડ્રેટેડ રહે છે અને ડ્રાયનેસની સમસ્યા નથી રહેતી.