જીન્સની રસપ્રદ કહાણી, પહેલા મજૂરો અને ખલાસીઓ પહેરાતા હતા; તો કઈ રીતે ફેશનમાં હિટ બની?

જીન્સ એક એવો મૂળભૂત પોશાક છે જે દરેક પ્રસંગ માટે યોગ્ય માનવામાં આવે છે. મહિલા હોય કે, પુરૂષો બધા માટે તે ખુબ સારો વિકલ્પ છે. પરંતુ શું તમે જાણો છો કે, જીન્સ આટલી મોટી ફેશન બન્યો તે પહેલા તેને કેટલી મુશ્કેલીઓનો સમાનો કરવો પડ્યો છે. તો આવો જાણીએ જીન્સની કહાણી

જીન્સએ વર્ષો જૂની સદીઓ જૂનો પહેરવેશ છે. જે જીન્સને ફેશનનો સૌથી મોટો પાર્ટ કહેવામાં આવે છે તે, પહેલા મજૂરોનો પોશાક કહેવાતો હતો. જીન્સનો આવિષ્કાર 19મી સદીમાં ફ્રાંસના NIMES શહેરમાં થયો હતો. જે કપડાથી જીન્સ બનાવામાં આવે છે તેને ફ્રેન્ચમાં ‘Serge’ કહેવામાં આવે છે, જેને ‘Serge de Nimes’ નામ આપવામાં આવ્યું હતું. પછી લોકોએ તેને શોર્ટ કરી દીધુ અને તેનું નામ Denims થઈ ગયું.

1852 આવતા આવતા તો એક જર્મન વ્યાપારી લેવી સ્ટ્રોસે કેલિફોર્નિયામાં જીન્સ પર પોતાનું નામ લખીને વેચવાનું શરૂ કરી દીધું હતું. ત્યારે એક ટેલર તેનો સૌથી પહેલો ગ્રાહત બન્યો હતો. તેણે પણ લોકોમાં આ જીન્સ વેચવાનું શરૂ કરી દીધું. ત્યારે કોલસાની ખાણમાં કામ કરતા મજૂરો તેને વધારે ખરીદી કરતા હતા. કારણ કે, તેનું કપડું બીજા કપડા કરતા થોડું મોટું હતું. જે તેમના માટે ઘણું આરામદાયક હતું.

એક દિવસ ડેવિસે સ્ટ્રોસને કહ્યું કે, આપણે સાથે મળીને મોટો બિઝનેસ શરૂ કરીએ. સ્ટ્રોસને ડેવિસનો પ્રસ્તાવ ખૂબ જ ગમ્યો. આ રીતે, તેણે જીન્સ માટે યુએસ પેટન્ટ લીધી અને પછી મોટા પાયે જીન્સ બનાવવાનું શરૂ કર્યું.

આમતો ઘણા રંગોમાં ડેનિમ રંગવામાં આવે છે પરંતુ પ્રથમ જીન્સ માત્ર વાદળી રંગમાં જ બનાવવામાં આવ્યું હતું. શરૂઆતમાં જીન્સ ફક્ત મજૂરો અને મહેનતુ લોકો પહેરતા હતા. તેના કપડા ઝડપથી ગંદા થઈ જતા હતા, જ્યારે ગંદા હોય ત્યારે પણ જીન્સ ગંદા દેખાતા ન હતા, તેથી તેનો રંગ વાદળી રાખવામાં આવ્યો હતો.

પુરૂષો માટે બનેલા જીન્સમાં ઝિપને આગળના ભાગમાં તળિયે મૂકવામાં આવતી હતી, જ્યારે સ્ત્રીઓ માટે બનેલા જીન્સમાં તે બાજુ પર મૂકવામાં આવતી હતી.

જીન્સ પહેર્યા બાદ બૂટ પહેરવામાં સમસ્યા આવતી હતી. આ અંતર્ગત બુટ કટ જીન્સને અમેરિકન નેવીમાં કામદારોનો યુનિફોર્મ બનાવવામાં આવ્યો હતો.

1950માં જેમ્સ ડીને હોલીવુડની ફિલ્મ ‘રિબેલ વિધાઉટ અ કોઝ’ બનાવી, જેમાં તેણે પહેલીવાર જીન્સનો ફેશન તરીકે ઉપયોગ કર્યો. આ ફિલ્મ જોયા પછી અમેરિકાના ટીનેજર્સ અને યુવાનોમાં જીન્સનો ટ્રેન્ડ ફેલાઈ ગયો.

તેની લોકપ્રિયતા ઘટાડવા માટે અમેરિકામાં રેસ્ટોરાં, થિયેટર અને શાળાઓમાં જીન્સ પહેરવા પર પ્રતિબંધ પણ લાદવામાં આવ્યો હતો, છતાં જીન્સની ફેશન યુવાનોના માથે એવી રીતે ચઢી ગઈ હતી કે તે ફરી ઉતરી ન હતી.

ધીમે-ધીમે જીન્સની લોકપ્રિયતા વધવા લાગી અને 1970માં તેને એક ફેશન તરીકે સ્વીકારવામાં આવી. ત્યારથી લઈને અત્યાર સુધી જીન્સનો ક્રેઝ દરેક વર્ગના લોકોના માથા પર છે.