સુતા પહેલા જો આ રીતે ચહેરાની સફાઈ કરશો તો તૈલી ત્વચાથી મળશે છુટકારો, ચહેરાની ચમક વધશે

પોતાની સ્કીનને વધુ સારી બનાવવા આપણે વિવિધ પ્રકારના બ્યુટી પ્રોડક્ટ્સનો ઉપયોગ કરતા હોઈએ છીએ. પણ જેમની ત્વચા ઓઈલી હોય તેમણે વધુ ધ્યાન રાખવુ પડતુ હોય છે. સ્કીનની યોગ્ય કેર લેવામાં આવે તો મોંઘા બ્યુટી પ્રોડક્ટ્સ વાપરવાની કોઈ જરૂર રહેતી નથી. ઓઈલી સ્કીન હોય તેમણે દિવસની સાથે સાથે રાત્રે પણ ત્વચાનું ધ્યાન રાખવું પડે છે. કારણ કે રાત્રે સ્કીન પોતાને રિપેર કરે છે. માટે જો યોગ્ય સંભાળ લેવામાં આવે તો વ્યક્તિને ખીલ અને ફોલ્લીઓની સમસ્યાથી મુક્તિ મળી શકે છે. તો ચાલો જાણીએ હેલ્થી સ્કીન માટે રાત્રે સુતા પહેલાં શું કરવું જોઈએ.

જે લોકો દિવસભર મેકઅપમાં રહેતા હોય તેમણે રાત્રે સુતા પહેલા પોતાનો મેકઅપ સાફ કરવો જોઈએ. નેચરલ મેકઅપ રિમુવલ નારિયેળ કે બદામનું તેલ તમે વાપરી શકો છો. તેનાથી તમારો મેકઅપ પણ સારી રીતે સાફ થશે અને ત્વચા પણ ચમકીલી બનશે. રાત્રે સુતી વખતે મેકઅપ સાથે સુઈ જઈએ તો ત્વચાના પોર્સ બંધ થઈ જાય છે, જેનાથી ચહેરા પણ ખીલની સમસ્યા વધી શકે છે.

ઓઈલી સ્કીન ધરાવતા લોકોને મોટેભાગે બ્લેકહેટ્સની સમસ્યા થતી હોય છે. તે ન થાય માટે રોજ હલ્કા હાથે સ્ક્રબ કરવું જોઈએ. આમ કરવાથી બ્લેકહેડ્સ ધીરે ધીરે ઓછા થઈ જાય છે. તમારી ત્વચા પણ સ્વચ્છ રહેશે. ત્વચા પર સ્ક્રબ કરવાથી ગ્લો પણ આવી જશે.

ત્વચાને સ્ક્રબ કર્યા બાદ ચહેરા પર ટોનિંગ કરવુ જરૂરી છે. કારણ કે ટોનર ચહેરાના પોર્સને બંધ કરવામાં મદદ કરે છે. તેનાથી સ્કીનના સેલ્સ પણ રિપેર થાય છે અને ત્વચા ચમકીલી બને છે.

ચહેરાની ત્વચાને હાઈડ્રેટ રાખવા માટે રાત્રે સુતા પહેલા સીરમ લગાવવુ જોઈએ. તેનાથી ત્વચા હાઈડ્રેટ રહે છે અને ચહેરા પર કરચલીઓ નથી થતી. સીરમ ઉપરાંત એન્ટી એજિંગ ક્રીમનો ઉપયોગ પણ કરી શકો છો. અહેવાલની તમામ તસવીરો પ્રતિકાત્મક છે.