ગરમીમાં વાળમાં મહેંદી લગાવો છો? તો જાણો સ્પિલ્ટ એન્ડ્સથી લઇને શું સમસ્યાઓ થાય છે

સ્પિલ્ટ એન્ડ્સ: મહેંદી તમે ગરમીમાં વાળમાં લગાવો છો તો ડ્રાય અને બે મોં વાળા વાળની સમસ્યા થાય છે. આમ, તમને પહેલાંથી જ આ ટાઇપની સમસ્યા છે તો તમારે વાળમાં ક્યારે પણ મહેંદી નાખવી જોઇએ નહીં. આ સાથે જ ગરમીમાં આ સમસ્યા વધી શકે છે.

રંગ પર અસર: તમે ગરમીમાં વાળમાં મહેંદી લગાવો છો અને વધારે સમય સુધી રાખો છો તો વાળના નેચરલી કલર પર અસર થાય છે. મહેંદીમાં કલર બદલવાનો ગુણ હોય છે. આ ગુણથી તમારા વાળનો કલર જતો રહે છે અને સાથે ડેમેજ થાય છે. આ માટે હંમેશા આ એક વાતનું ધ્યાન રાખીને પછી જ વાળમાં મહેંદી નાખવાની આદત પાડજો.

શાઇન ઓછી થઇ જાય: આ એક મહત્વની બાબત છે. વાળમાં મહેંદી નાખવાથી નેચરલ શાઇન ધીરે-ધીરે ગાયબ થઇ જાય છે. વાળમાં નાખવામાં આવતી મહેંદી તમારા ચમકને ઓછી કરે છે અને સાથે-સાથે તમારા હેર ગ્રોથમાં અનેક રીતે ફરક પડે છે.

ડેમેજ હેર: લાંબા સમય સુધી વાળમાં તમે મહેંદી લગાવીને રાખો છો તો તમારા હેર ડેમેજ થઇ જાય છે. ધણાં લોકો એવું વિચારતા હોય છે કે વાળમાં મહેંદી વધારે રાખવાથી સિલ્કી થાય છે, પરંતુ આ એક ખોટી માન્યતા છે.

ડ્રાય સ્કેલ્પ: ઘણાં લોકો મહેંદી જ્યારે વાળમાં લગાવે ત્યારે ખાસ કરીને કોરા વાળમાં મહેંદી લગાવતા હોય છે. તમને જણાવી દઇએ કે કોરા વાળમાં મહેંદી લગાવવાથી હેરને નુકસાન થાય છે. આ કારણે હંમેશા થોડુ તેલ નાખીને મહેંદી નાખો જેથી કરીને વાળ વધારે ડેમેજ થાય નહીં. કોરા વાળમાં મહેંદી નાખવાથી ડ્રાય સ્કેલ્પની સમસ્યામાં વધારો થાય છે.

કેટલો સમય વાળમાં મહેંદી રાખશો: તમે જ્યારે પણ વાળમાં મહેંદી લગાવો ત્યારે ખાસ કરીને 1 થી 1.30 કલાક સુધી રાખો અને પછી હેર વોશ કરી લો. વધારે સમય રાખવાથી નુકસાન થાય છે. (નોંધ: આ માહિતી સામાન્ય જાણકારી આધારિત છે. કોઇ પણ ઉપાય અજમાવતા પહેલા ડોક્ટરની સલાહ લેવી આવશ્યક છે.)