શ્રાવણ માસનો ઉપવાસ કરો છો? તો ભૂલથી પણ ના કરો આ વસ્તુઓનું સેવન

શ્રાવણ માસમાં મોટાભાગના શિવભક્તો ઉપવાસ કરે છે. શ્રાવણ માસ તે દાન અને પુણ્ય કમાવાનો મહિનો છે. કહેવાય છે કે આ સમયે શિવ ભક્તિ કરવાથી મનને શાંતિ મળે છે અને મનુષ્યના પાપ નાશ થાય છે. વળી ઉપવાસ કરવો શરીર માટે પણ ખૂબ જ લાભકારી થાય છે. સપ્તાહ કે માસમાં એક વાર ઉપવાસ કરવો, હળવું ભોજન કરવું વિજ્ઞાન અને આયુર્વેદની દ્રષ્ટ્રીએ પણ હિતકારી છે.

ઉપવાસ કરવાથી પાચનક્રિયા સરળ થાય છે. અને પેટ પણ હળવું ફૂલ બને છે. વળી શ્રાવણ મહિનો ચોમાસાની ઋતુમાં આવે છે. જેથી સ્વાસ્થયની દ્રષ્ટ્રીએ પણ ઉપવાસ કરવાથી પેટને લાભ રહે છે.

ત્યારે જો તમે શ્રાવણ માસમાં ઉપવાસ કરી રહ્યા હોવ તો ઉપવાસ દરમિયાન પ્રવાહી વસ્તુઓનું વધુ સેવન કરો. કોરોના કાળમાં હાલ તમામ લોકો લીંબુનું પાણી પીવાની સલાહ આપે છે. ત્યારે ઉપવાસમાં તમે પણ વિટામિન સીથી ભરપૂર લીંબુ પાણી, નારિયળ પાણી કે છાશ જેવી વસ્તુઓ ઉપયોગ કરીને શરીરમાં પાણીની માત્રા બનાવી રાખો.

વધુમાં ઉપવાસ કરતી વખતે ડૂંગળી જેવી તામસી પ્રકૃતિની વસ્તુઓ ખાવાનું ટાળો. બની શકે તો હળવું, સુપાચ્ય અને ઓછા તેલવાળું ભોજન લો. અને સાંજના સમયે હળવું ભોજન લેવાય તે વાતનું ખાસ ધ્યાન રાખો. સાથે જ વધુ પડતા મસાલા વાળું ભોજન પણ ના કરો. આનાથી એસિડિટી અને ગેસની સમસ્યા ઊભી થઇ શકે છે.

બીજી વસ્તુએ વ્રત દરમિયાન ડ્રાય ફ્રૂટ્સ સેવન ખાસ કરો. તેનાથી શરીરને એનર્જી મળે છે. અંજીર, દ્રાક્ષ, અખરોટ, બદામ જેવા ડ્રાયફ્રૂટનું સેવન ઉપવાસ દરમિયાન હિતકારી છે. વળી તમે સાબુદાણાની ખીણ પણ કાઇ શકો છો. સાથે ઉપવાસમાં ફળોનું પણ સેવન કરવાથી પાચન ક્રિયાને લાભ મળે છે. અને શરીરને નેચરલ શર્કરા મળે છે. સાથે જ દૂધ અને દહીંની વસ્તુઓનું છૂટથી સેવન કરો.