SBI ના ATM ના વપરાશકર્તાને છેતરપિંંડીથી બચાવવા આપી 12 ગોલ્ડન ટીપ્સ

ભારતની સોથી મોટી સરકારી બેંક SBI એ વધતી જતી છેતરપિંડીને ધ્યાનમાં રાખીને 12 ગોલ્ડન ટીપ્સ બનાવી છે, જેના ઉપયોગથી તમે તમારા એટીએમ કાર્ડને કોઈ પણ પ્રકારના રિસ્કથી બચાવી શકો છો.

1. કાર્ડ પ્રાપ્ત થતાં જ તેની પાછળની તરફ નિર્ધારિત સ્થાન પર હસ્તાક્ષર કરો.

2. નિયમિત રીતે પોતાનો એટીએમ PIN બદલતા રહો.

3. ક્યારેય ડેબિટ કાર્ડની સાથે કે કાર્ડ પર PIN ન લખશો. તેને હંમેશા યાદ રાખો

4. તમારા એટીએમ કાર્ડ અને પિનને કોઈપણને જણાવશો નહીં, પછી ભલે તે બેંક / IBA/RBI/ સરકારી એજન્સી / મિત્ર / પરિવારના સભ્ય હોય. બેન્ક અથવા અન્ય કોઇ સંસ્થા આ માહિતી વિશે ક્યારેય નહીં પૂછે.

5. લેણદેણ સમયે અજાણી વ્યક્તિને ATM રૂમમાં ના આવવો દો. અથવા ટ્રાન્ઝેક્શન પૂર્ણ કરવા માટે કોઈ અજાણી વ્યક્તિની સહાય ના લેશો.

6. એટીએમ / પીઓએસ ટર્મિનલમાં PIN દાખલ કરતી વખતે કી-પેડ છુપાવો.

7. એટીએમ ચેમ્બરમાં તમારી ટ્રાન્ઝેક્શન સ્લિપને ક્યારેય ના ફેંકશો, કારણકે તેમાં ખાતાની વિગતો હોય છે.

8. એટીએમ મૂળ સ્ક્રીન પર પરત ન આવે તેમજ લીલી બત્તી ન આવે ત્યાં સુધી રાહ જુઓ.

9. હોટલ / દુકાનો / મૉલ્સમાં કાર્ડનો ઉપયોગ હંમેશા તમારી સામે જ કરવા કહો.

10. અજાણ્યા કામચલાઉ સ્ટોલ પર પીઓએસ મશીન પર કાર્ડને ક્યારેય સ્વાઇપ કરશો નહીં.

11. નવું કાર્ડ મળતા તરત જ જૂના કાર્ડને અટકાવી તેનો નાશ કરો. ટ્રાન્ઝેક્શન SMS એલર્ટ પ્રાપ્ત કરવા માટે શાખામાં તમારો મોબાઇલ નંબર રજીસ્ટર કરાવો.

12. કાર્ડ ખોવાઈ જાય તો તરત જ 1800 425 3800 કે 1800 11 22 11 પર સંપર્ક કરો અને કાર્ડ બંધ કરાવો.