કાચા દૂધનાં આ નુસખા ત્વચાને નિખારશે અને વાળમાં પાછી લાવશે ચમક, ચોક્કસ અજમાવો

દૂધ સંપૂર્ણ આહાર છે તે આપણા સ્વાસ્થ્ય માટે તો ફાયદાકારક છે પરંતુ કાચુ દૂધ આપણી સુંદરતા નિખારવા માટે પણ રામબાણ ઇલાજ છે. કાચા દૂધમાં રહેલા તત્વો ચહેરાની ત્વચાને ચમકીલી બનાવે છે અને સાથે વાળને પણ સુંવાળા બનાવે છે. જો તમને માનવામાં ન આવતું હોય જોઇલો આ જાદુઇ નુસખા. 

વાળ માટે - એક પાકેલું કેળું લઇને તેને મશળી લો અને તેને દૂધમાં મિક્સ કરી લો. તેની ઘટ્ટ પેસ્ટ બનાવી લો. આ પેસ્ટને વાળના મૂળમાં લગાવી લો. તેને 30 મિનિટ માટે લગાવી રાખો અને શાવર કેપ પહેરી શકો છો. ત્યાર પછી વાળને હળવા ગરમ પાણીથી ધોઇ લો અને વાળને યોગ્ય રીતે શેમ્પુ કરી લો. વાળને જાતે જ સૂકાવવા દો. આ ઉપાય કરવાથી ખૂબ ફાયદો થશે. આ પેસ્ટ તમે ચહેરા પર પણ લગાવી શકો છો.

ચહેરાની કાળાશ દૂર કરવા - થોડા કાચા દૂધમાં લીંબુનો રસ અને મધ સપ્રમાણમાં મિક્સ કરીને ચહેરા પર લગાવો. તેનાથી ત્વચા પરનો મેલ દૂર થશે.

સનટેન માટે- કેરીના થોડા છોતરાં લઈને તેને દૂધ સાથે પીસીને તેની પેસ્ટ તૈયાર કરી લો. ત્યારબાદ આ પેસ્ટને ચહેરા અને ગરદન પર લગાવીને ૧૫ મિનિટ માટે રહેવા દો. આ ઉપાય કરવાથી સન ટેન દૂર થશે અને ચહેરો ઝડપથી ગોરો બનશે.

ચહેરાના નિખાર માટે- ચહેરામાં રહેલી ગંદકી અને ધૂળના કણને સાફ કરવા માટે કાચુ દૂધ અને મધ લો. કાચા દૂધમાં એક નાની ચમચી મધ મિક્સ કરી લો આ મિશ્રણને ચહેરા પર 10 મિનિટ લગાવી રાખો બાદમાં તેને સાદા પાણીથી ધોઇ લો. મધ ત્વચા માટે ટૉનિકનું કામ કરે છે. તેને ત્વચા પર લગાવવાથી ત્વચામાં ચમક આવે છે.