Herbal Tea Varieties: શિયાળામાં ઇમ્યુનિટી બુસ્ટ કરવા પીઓ આ 6 હર્બલ ટી, શરદી-ખાંસીમાં તરત ફરક પડી જશે

બ્લેક ટી- ઘણાં લોકો રૂટિનમાં બ્લેક ટી એટલે કે કાળી ચા પીતા હોય છે. બ્લેક ટીમાં દૂધનો ઉપયોગ થોડો પણ કરવામાં આવતો નથી. બ્લેક ટી સ્વાસ્થ્ય માટે અનેક રીતે ફાયદાકારક છે. શિયાળામાં બ્લેક ટી પીવાથી હેલ્થને અનેક ઘણાં ફાયદાઓ થાય છે. બ્લેક ટી તમે રૂટિનમાં પીઓ છો તો ઇમ્યુનિટી બુસ્ટ થાય છે અને સાથે તમે અનેક ઇન્ફેક્શનથી બચી શકો છો.

ફુદીનાની ચા- પિપરમિન્ટ એટલે કે ફુદીનાની ચા શિયાળામાં તમે પીઓ છો તો હેલ્થને અનેક ઘણાં ફાયદાઓ થાય છે. ફુદીનો ઠંડો હોય છે, આ સાથે જ ફુદીનામાં એન્ટી વાયરલ તેમજ એન્ટી બેક્ટેરિયલ ગુણ હોય છે. શિયાળામાં દરેક લોકોએ ફુદીનાની ચા પીવી જોઇએ. ફુદીનાની ચા પીવાથી શરદી-ખાંસીમાંથી રાહત મળે છે.

ઝિંઝર ટી- શિયાળામાં બજારમાં ફ્રેશ આદુ તમને સરળતાથી મળી રહે છે. આદુની ચા તમે શિયાળામાં પીઓ છો તો હેલ્થને અનેક ઘણાં ફાયદાઓ થાય છે. આદુની ચા સ્વાદિષ્ટ હોય છે જે અનેક બીમારીઓ સામે લડવામાં મદદ કરે છે. આદુની ચા ઇમ્યુનિટી બુસ્ટ કરવાનું કામ કરે છે. આદુની ચા તમે શિયાળામાં રોજ પીઓ છો તો શરદી-ખાંસી અને તાવમાંથી બચી શકો છો.

ગ્રીન ટી- શિયાળામાં ગ્રીન ટી પીવાથી શરીરનું મેટાબોલિઝમ સારું થાય છે. વિન્ટર સિઝનમાં હેલ્ધી રહેવા ગ્રીન ટી પીવાનું તમે પણ શરૂ કરી દો.

લેમન ગ્રાસ ટી- લેમન ગ્રાસ ટીને હર્બલ ચા તરીકે માનવામાં આવે છે. લેમન ગ્રાસ ટી એન્ટી ઓક્સીડન્ટ્સથી ભરપૂર હોય છે જે શરીરમાં આવતા સોજાને ઓછા કરવામાં મદદ કરે છે.

હળદરની ચા- હળદર ઔષધીય ગુણોથી ભરપૂર હોય છે. રસોડામાં હળદર તમને સરળતાથી મળી રહે છે. દરેક રસોઇમાં હળદરનો ઉપયોગ થતો હોય છે. હળદરમાં એન્ટી બેક્ટેરીયલ, એન્ટી ઇન્ફ્લેમેન્ટરી ગુણો હોય છે જે સ્કિન અને હેલ્થ માટે અનેક રીતે ફાયદાકારક છે. હળદરની ચા તમે શિયાળામાં પીઓ છો તો વાયરલ ઇન્ફેક્શનથી બચી જાવો છો. હળદરની ચા બનાવવા માટે હળદર, લીંબુનો રસ અને મધનો ઉપયોગ કરવામાં આવે છે.