એલોવેરા અને બેકિંગ સોડાથી આ રીતે ગરદનની કાળાશ દૂર કરી દો, માત્ર અઠવાડિયામાં રિઝલ્ટ મળી જશે

ગરદનની કાળાશ દૂર કરવા માટે તમે એલોવેરાનો ઉપયોગ કરી શકો છો. આ માટે તમે એલોવેરા લો અને એની ઉપરથી ગ્રીન કલરનું લેયર હટાવી દો. ત્યારબાદ એક વાટકીમાં જેલ લો અને એમાં ચપટી હળદર નાંખો. ત્યારબાદ આનાથી મસાજ કરો. આ પ્રયોગ તમે અઠવાડિયામાં 3 વાર કરી શકો છો.

એક મોટી ચમચી બેસન લો અને એમાં ચપટી હળદર, એક ચમચી લીંબુનો રસ અને એક ચમચી દહીં મિક્સ કરીને આ મિશ્રણને બરાબર મિક્સ કરી લો. ત્યારબાદ આ પેસ્ટને ગરદન પર લગાવો અને 20 મિનિટ માટે રહેવા દો. ત્યારબાદ હુંફાળા પાણીથી ધોઇ લો. આ ઉપાય અઠવાડિયામાં બે વાર કરવાથી ગરદન પરની કાળાશ દૂર થાય છે.

કાચુ દૂધ ગરદનની કાળાશને દૂર કરવા માટેનો બેસ્ટ ઉપાય છે. કાચા દૂધનો તમે આ રીતે ઉપયોગ કરો છો તો ગરદનની કાળાશ નિકળી જાય છે અને વ્હાઇટ થાય છે. કાચુ દૂધ સ્કિનની અનેક સમસ્યાઓને દૂર કરવાની તાકાત ધરાવે છે. જો તમે રેગ્યુલર ગરદન અને કોણી પર કાચુ દૂધ લગાવો છો તો તમારી સ્કિન પરથી કાળાશ દૂર થઇ જાય છે. આ માટે તમે એક બાઉલમાં કાચુ દૂધ લો અને કોટનની મદદથી ગરદન પર લગાવો. અડધો કલાક રહીને ઠંડા પાણીથી ગરદન ધોઇ લો. એક મહિનો તમે સતત આ પ્રયોગ કરો છો તો ગરદનની પરની કાળાશ દૂર થઇ જાય છે.

બેકિંગ સોડાને સાધારાણ પાણીમાં મિક્સ કરીને એક પેસ્ટ બનાવી લો. આ મિશ્રણને ગરદન પર લગાવો અને 15 મિનિટ માટે રહેવા દો. ત્યરબાદ સાધારણ પાણી કે ઠંડા પાણીથી ગરદનને ચોખ્ખી કરી લો. આ ઉપાય તમારે અઠવાડિયામાં બે વાર કરવાનો રહેશે.

ટામેટા: ટામેટાના બે કટકા કરી લો અને આનાથી ગરદન પર મસાજ કરો. 20 મિનિટ સુધી આ રસ ગરદન પર રહેવા દો અને પછી ચોખ્ખા પાણીથી ધોઇ લો. આમ કરવાથી ગરદનની કાળાશ દૂર થઇ જશે. (Disclaimer: આ લેખમાં જાણકારી અને સૂચનાઓ માન્યતાઓ પર આધારિત છે. gujartai news18 આની કોઇ પુષ્ટિ કરતુ નથી. આ અજમાવતા પહેલાં ડોક્ટરનો સંપર્ક કરો.)