આ રીતે બાળકોના રમકડાં ક્લિન કરો, મિનિટોમાં થઇ જશે બેક્ટેરિયા ફ્રી

કપડાના રમકડાં સાફ કરવા માટે: કપડાના રમકડા બાળકોને રમવાની બહુ જ મજા આવે છે. જો કે આ રમકડાને સાફ કરવા ખૂબ જરૂરી છે. જો તમે કપડાના રમકડાને સાફ કરતા નથી બાળકને ઇન્ફેક્શન થવાના ચાન્સિસ વધી જાય છે. બાળકને જ્યારે ઇન્ફેક્શન થાય ત્યારે એને તાવ તેમજ બીજી અનેક સમસ્યા થઇ શકે છે. કપડાના ટોયઝ સાફ કરવા માટે તમારે બહુ મહેનત કરવાની જરૂર નથી. આ માટે તમે નોર્મલ પાણીમાં ડિટરજન્ટ નાંખો અને પછી એમાં ટોયઝ નાંખી દો. ત્યારબાદ હાથથી મસળી દો. આમ કરવાથી જલદી ક્લિન થઇ જશે. (Image-Canva)

લાકડાના રમકડાં: લાકડાના રમકડાં સાફ કરવા માટે ગરમ પાણીમાં કપડુ પલાળી લો. ત્યારબાદ આ કપડાથી સાફ કરી લો. (Image-Canva)

પ્લાસ્ટિકના રમકડાં સાફ કરો: પ્લાસ્ટિકના રમકડાં બાળકોના ટોય કલેક્શનનો પહેલો ભાગ હોય છે. ખાસ કરીને ન્હાતી વખતે સામાન્ય રીતે બાથ ટોયઝનો ઉપયોગ કરવામાં આવે છે. એવામાં તમે અઠવાડિયામાં એક વાર રમકડાં નોર્મલ રીતે ગરમ પાણીથી સાફ કરીને સેનેટાઇઝ કરી શકો છો. (Image-Canva)

ઇલેક્ટ્રોનિક રમકડાં સાફ કરવા માટેની ટિપ્સ: ઇલેક્ટ્રોનિક અને બેટરી વાળા રમકડાંને સાફ કરવા માટે તમે સેનેટાઇઝિંગ વાઇપ્સનો ઉપયોગ કરી શકો છો.આ માટે તમે અઠવાડિયામાં એક વાર આ વાઇપ્સથી સેનિટાઇઝ કરી લો. બેબી બીમાર છે તો આ રીતે રમકડાં સાફ કરતા રહો. (Image-Canva)

રબરના રમકડાં સાફ કરવા માટે: રબરના રમકડાં સાફ કરવા માટે સૌ પ્રથમ પાણીમાં સાબુનો કટકો નાંખી દો. ત્યારબાદ આ પાણીને હાથથી બરાબર હલાવશો એટલે ફીણ થશે. હવે આ પાણીમાં રમકડાં નાંખો અને બે મિનિટ રહીને બહાર કાઢી લો. આમ કરવાથી રમકડા તરત જ સાફ થઇ જશે. (Image-Canva)

સોફ્ટ ટોયઝ સાફ કરવા માટેની ટિપ્સ: બાળકોને સોફ્ટ ટોયઝ બહુ જ ગમતા હોય છે. આ ટોયઝને સાફ કરવા માટે તમે બેબી શેમ્પૂનો ઉપયોગ કરો છો તો સૌથી બેસ્ટ છે. બેબી શેમ્પૂથી સોફ્ટ ટોયઝ જલદી જ સાફ થઇ જાય છે. આ માટે પાણીમા તમે શેમ્પૂ મિક્સ કરી લો અને પછી ટોયઝને આમાં ડુબાડી દો. ત્યારબાદ હાથથી મસળી લો. આમ કરવાથી સોફ્ટ ટોયઝ જલદી જ સાફ થઇ જશે. (Image-Canva)