સંતરાનો આ ફેસપેક, સ્કિન રાખશે ટાઇટ અને ચહેરા પર લાવશે ગ્લો

લાઇફ સ્ટાઇલ ડેસ્ક: હાલનાં કોરોના કાળમાં ઘરે જ રહીને હેલ્થ અને બ્યુટીની કેર કરવામાં આવે તો ઘણું સારું. આ માટે ડોક્ટરને ત્યાં કે પછી પાર્લરમાં જવાનું બને એટલું ટાળવું જોઇએ. તેમાં અત્યારે ફ્રૂટ્સની સિઝન છે. આપણે ફિટ રહેવા માટે દરરોજ ફ્રૂટ્સ ખાતા હોઇએ છીએ એવામાં જો સ્કિન કેર માટે પણ ફ્રૂટ્સનો ઉપયોગ કરવામાં આવે તો ચહેરાની તાજગી અને રંગત નીખરવા લાગશે. હાલમાં એમ પણ સંતરાની મોસમ છે, તમને બજારમાં રસીલા સંતરા સરળતાથી મળી રહે છે. તો આજે આપણે સંતરાથી પેક બનાવીને જ કઈ રીતે ત્વચામાં નિખાર લાવી શકાય તે જોઈએ.

ફેસપેક બનાવવા માટે નોંધી લો સામગ્રી- 3 ચમચી સંતરાનો જ્યુસ, 2 ચમચી એલોવેરા પલ્પ અને 1 ચમચી ગ્લીસરીન

બનાવવાની રીત- ઉપર જણાવેલી બધી સામગ્રીને એક બાઉલમાં મિક્સ કરીને પેસ્ટ બનાવી લો, ત્યારબાદ તેને ચહેરા પર 20 મિનીટ સુધી લાગવી રાખો. આ પછી તેને ચોખ્ખા પાણીથી ધોઈ લો. આ પ્રાકૃતિક મિશ્રણમાં ત્વચાને ભેજ આપવાના ગુણો છે, જેનાથી સ્કીનની ડ્રાયનેસ દૂર થાય છે અને ત્વચા મુલાયમ બને છે.

આ ફેસપેકમાં વિટામીન સી અને એન્ટી-ઓક્સીડેન્ટ હોવાથી ત્વચા પર કરચલીઓ નથી પડતી. સ્કિન ગ્લો કરે છે. અને જો શરીર પર ક્યાંય પણ નાનો-મોટો ઘા વાગ્યો હશે તો પણ આ મિશ્રણ લગાવી દેવું ઘણું જ લાભદાયી નિવડે છે.

વિટામીન સીને કારણે આ ફેસપેક બ્લીચીંગનું પણ કામ કરે છે, તેનાથી તમારી સ્કીન ગોરી દેખાય છે. સંતરા એલોવેરાનું આ મિશ્રણ ચહેરાના પોર્સની ગંદકીને દૂર કરે છે, જેનાથી બ્લેકહેડ જમા થતા નથી.