Navratri 2020 : થોડી જ મિનિટોમાં શુષ્ક વાળમાં આ રીતે લાવો ચમક

લાઇફસ્ટાઇલ ડેસ્ક : અત્યારે નવરાત્રીનો (Navratri) બીજો દિવસ છે ત્યારે આજે આપણે જોઇએ કે શુષ્ક અને બેજાન વાળમાં (Hair care) ઘરે બેઠા જ થોડી મિનિટોમાં ચમક કઇ રીતે લાવવી. શુષ્ક વાળ માટે છોકરીઓ મોંઘાદાટ શેમ્પૂ અને સલૂન ટ્રીટમેન્ટ કરાવતી હોય છે. જેનાથી ખાસ ફરક તો પડે છે પરંતુ થોડા સમય બાદ વાળ હતા તેના કરતા પણ વધારે ખરાબ થઇ જાય છે. ત્યારે આજે આપણે એક હોમ મેડ માસ્ક બનાવતા શીખીશું જે તમારા વાળને સિલ્કી અને ચમકીલા બનાવશે.

બટાકાને બાફ્યા બાદ વધેલા પાણીમાં એક બટેટાને મસળી નાખીને તે પાણીથી માથું ધોવાથી તમારા વાળ ચમકીલા, મુલાયમ અને જડથી મજબુત થશે. વાળમાં ખંજવાળ, સફેદ થવાં કે ટાલ વગેરે જેવી સમસ્યાઓ તાત્કાલિક રૂપે અટકી જાય છે અને તમારી વાળની લંબાઇ પણ વધે છે

બે ચમચી આંબળાંનો પાઉડર અથવા રસમાં બે ચમચી લીંબુનો રસ ઉમેરો. તેને તમારા વાળમાં લગાવો. ત્યારબાદ તેને થોડી વાર માટે સુકાવા દો. સુકાઈ ગયા બાદ થોડા નવશેકા પાણીથી વાળ ધોઈ લો.

નાળિયેરનાં તેલમાં લીંબુનો રસ અને બાફેલા બટાકાનું પાણી મેળવીને વાળની જડમાં લગાડવાથી કસમયે થતા સફેદ વાળ બંધ થાય છે, અને ખરતા પણ ઓછા થઇ જાય છે.

મેથીમાં પ્રોટીન અને નિકોટિનિક એસિડ હોય છે જે વાળ માટે ફાયદાકારક હોય છે. આ મિશ્રણને બનાવવા માટે મિક્સરમાં પાણી નાંખી મેથી પીસી લો. થોડું નારિયેળનું તેલ નાંખી પેસ્ટ બનાવો. આ પેસ્ટને અડધા કલાક માટે વાળ અને તાળવા પણ લગાવી રાખો. ત્યારબાદ શેમ્પૂથી વાળ ધોઈ લો. ઘરગથ્થુ ઉપચાર વાળના ગ્રોથની સાથેસાથે તેના પ્રાકૃતિક રંગને જાળવવામાં મદદ કરે છે.

મધમાં ઘણાં પ્રોટીન અને વિટામિન હોય છે, જે વાળને યોગ્ય રીતે કન્ડિશનર કરે છે. આ શુષ્ક, ફીઝી અને નિર્જીવ વાળમાં સરસ બનાવે છે. તે ડેન્ડ્રફને દૂર કરીને સ્કેલ્પઉપરની ચામડી પણ સાફ કરે છે, જેનાથી વાળની ​​વૃદ્ધિ થાય છે.