એક પણ રૂપિયાનાં ખર્ચા વગર ઘરે બનાવો આ પેસ્ટ, 7 દિવસમાં નીખરશે ત્વચા

આપણી આ ફાસ્ટ લાઇફમાં ઘણી વખત એવું બને છે કે ચહેરાની ચમક ગૂમ થઇ જાય છે. અને આપણે હજારો રૂપિયાનો ખર્ચો કરીએ તો પણ ચહેરાની ચમક પાછી મળતી નથી. ઉલટા કેમિકલ યુક્ત પદાર્થ વાપરવાને કારણે ત્વચાને વધુ નુક્શાન પણ થઇ શકે છે.

ચાલો ત્યારે નજર કરીએ આ હોમમેડ પેસ્ટ બનાવવાની રીત પર. લીંબુ અને હળદરની આ પેસ્ટ ચહેરાની ચમક વધારશે, દાગ ધબ્બા દૂર કરશે અને એક રૂપિયાનો ખર્ચો પણ નહીં કરવો પડે.

પેસ્ટ બનાવવા માટે સામગ્રી- અડધુ લીંબુ, 1 ચમચી હળદર, 1 ચમચી એલોવેરા જેલ અથવા ઘી

સ્કિન ટોન પ્રમાણે આ રીતે બનાવો પેસ્ટ- જો આપની સ્કિન ઓઇલી હોય તો આપે એલોવેરા જેલનો ઉપયોગ કરવો એક ચમચી એલોવેરા જેલમાં એક ચમચી હળદર અને અડધુ લીંબુ ઉમેરો હવે આ જે પેસ્ટ તૈયાર થાય તે ચહેરા ગરદન, ગળુ અને હાથ પર લગાવી લો. થોડા સમય બાદ આસરે 15 મિનિટ બાદ ચહેરો ઠંડા પાણીથી ધોઇ લો. આ ઉપાય તમારી ઓઇલી સ્કિનને નોર્મલ કરશે. વધારાનું ઓઇલ દૂર કરશે અને ચહેરાની ચમક વધારશે.

ડ્રાય સ્કિન માટે- જો આપની સ્કિન ડ્રાય હોય તો એક ચમચી ઘીમાં હળદર અને અડધુ લીંબુ ઉમેરો. આ મિશ્રણને ચહેરા પર પેસ્ટની જેમ લગાવો. 15 મિનિટ રાખ્યા બાદ તેને સામાન્ય પાણીથી ધોઇ લો. આ ઉપાય નિયમિત કરવામાં આવે તો ચહેરાની ચમક વધે છે તે સોફ્ટ થાય છે અને રંગત પણ નીખરે છે.