આપણા રસોડામાં નાના નાના કામની સાથે નાની નાની એટલી બધી મુંઝવણ હોય છે કે તેનો ઉકેલ માથાનો દુખાવો હોય છે. જેમકે તમે ઘરે માખણ કે મલાઈ બનાવ્યાં પછી વધેલા મિશ્રણ જેને આપણે બગરી કહીએ છીએ તેને વાપરવાની કેટલી માથાકુટ હોય છે કેટલાક તેને ફેંકી દેતા હોય છે કે કેટલાક તેને થોડી થોડી કરીને વાપરતાં હોય છે આજે તેને વાપરવાનો અનોખો રસ્તા જોઈએ અને આ સાથે અન્ય ટ્રિક્સ (kitchen tricks) પણ જોઇએ.
ઘરે બનાવેલ માખણમાંથી ઘી બનાવ્યા પછી પાછળ વધેલા મિશ્રણને ફેંકી ન દેતાં એને ઠંડા પાણીમાં થોડીક વાર રહેવા દઈ પાંચથી છ કલાક ફ્રીઝમાં મૂકી રાખો. પાણી ઉપર અને વાસણમાં આજુબાજુ ઘી જામી જશે. જે તમે અલગ તારવી શકો છો. પૂરી, પરોઠાં કે અન્ય લોટ બાંધવામાં એનો ઉપયોગ કરી શકો છો.
આ ઉપરાંત તમે વધેલી બગરીમાં ઘઉંનો લોટ ઉમેરીને તેની સુખડી પણ બનાવી શકો છો. આ સાથે ગરમ ગરમ બગરીમાં ગોળ નાંખીને તેની નાની નાની ગોળીઓ વાળીને ખાઇ શકો છો. આ ઘણી જ ટેસ્ટી લાગે છે.
ખૂબ વધુ પ્રમાણમાં ટામેટાંનો સંગ્રહ કરવો હોય, તો સૌ પ્રથમ એનો રસ કરી એને આઇસ ટ્રેમાં ભરી ફ્રીઝમાં મૂકી દો. જામી ગયેલા રસના ચોસલાને પ્લાસ્ટિક બેગમાં ભરી ફ્રીઝમાં રાખી મૂકો. ગ્રેવી, સોસ અને સૂપ બનાવવામાં આનો ઉપયોગ કરો.
રોટલી શેક્યા બાદ તવી પર લીંબુની છાલ ઘસશો તો તવી એકદમ ચોખ્ખી બની જશે. (Disclaimer: આ લેખમાં આપેલી જાણકારી અને સૂચના સામાન્ય માહિતી પર આધારિત છે. Gujarati news18 આની પુષ્ટિ નથી કરતા. આની પર અમલ કરતા પહેલા આ અંગેના વિશેષજ્ઞનો સંપર્ક કરે.)
પુલાવ બનાવતી વખતે ચોખા અડધાપડધા ચડી જાય ત્યારે એક ચમચી ખાંડ એમાં નાખી દો. પુલાવનો એક-એક દાણો છૂટો પડશે અને સુગંધ પણ સરસ આવશે.
