એક રૂપિયાનાં ખર્ચા વગર રસોડામાં હાજર આ 6 વસ્તુઓ આપનો ચહેરો ચમકાવી દેશે

લાઇફ સ્ટાઇલ ડેસ્ક: હાલમાં ભલે દેશભરમાં ધીમે ધીમે અનલોકની પ્રક્રિયા શરૂ થઇ ગઇ હોય પણ જરુર ન હોય તો બહાર જવું ટાળવું. એજ પ્રમાણે આ સમયમાં સ્કિન કેર પણ એટલી જ મહત્વની છે. તેથી જ તમારાથી બનતા બધા ઉપાય જો ઘરમાં જ થઇ જતા હોય તો બહાર જવું નહીં. પાર્લરમાં ગયા વગર રસોડામાં હાજર વસ્તુઓથી જ તમે સ્કિનને ગ્લોઇંગ કરી શકો છો.

આ છ વસ્તુઓનાં ઉપાયથી આપનો ચહેરો ઇન્સ્ટંટ ચમકવા લાગશે. ઘરમાં હાજર આ વસ્તુઓ માટે આપને કોઇ ખર્ચો નહીં કરવો પડે સાથે જ ચહેરો ચમકીલો અને સુંદર દેખાશે.

મધ- એક ચમચી મધ અને થોડુ ગરમ પાણી. પહેલા થોડા ગરમ પાણીથી તમારા ચહેરાને ધોઇ લેવો. અને ત્યાર બાદ. ફેસ વોશ કરીએ એ રીતે મધને લઇને તમારા ચહેરા પર 2થી 3 મિનીટ મસાજ કરો. અને પછી નળના પાણીથી ચહેરો ધોઇ લો.

લીંબુ- લીંબુનાં રસમાં થોડું મધ મિક્સ કરી તેને ચહેરા પર લગાવો. આ ફેસ પેક 15 મિનિટ સુધી લગાવી રાખો બાદમાં ચહેરો નોર્મલ પાણીથી ધોઇ દો. ચહેરા પર નીખાર જોવા મળશે. નિયમિત લગાવવાથી ખીલ, ડાધ ધબ્બા તમામ સમસ્યાઓ દૂર થતી જોવા મળશે.

મલાઇ અને હળદર- મલાઇ અને હળદરને મિકસ કરીને તમારી ત્વચા પર રગડો. 5-10 મિનિટ પછી તમારો ચહેરો ધોઇ લો. આ ઉપાયથી તમારા ચહેરા પર તરત જ ચમક આવી જશે. તે સિવાય ચહેરામાં ચમક લાવવા માટે ચંદન, ચણાનો લોટ, હળદરથી ફેસપેક બનાવીને ચહેરા પર રગડો તેનાથી સ્કિનમાં ચમક આવવાની સાથે ત્વચા મુલાયમ થઇ જશે.

ચહેરા પર ચમક લાવવા માટે કાચા પપૈયાનો પણ ઉપયોગ કરી શકો છો. પપૈયાને સમારીને તેના બીજ અલગ કરી દો. તેના પલ્પને પીસીને તેમા ગુલાબજળ મિક્સ કરી લો. ત્યાર પછી આ પેસ્ટને ચહેરા પર લગાવી દો અને 15 મિનિટ પછી ચહેરાને ધોઇ લો.

ટામેટામાં એન્ટીઓક્સીડેન્ટ વધારે પ્રમાણમાં રહેલા છે. ટામેટામાં પણ બ્લીચ ક્રીમના ગુણ રહેલા છે. ટામેટાને પીસીને તેની પેસ્ટ બનાવી લો. ત્યાર પછી તેને 10-15 મિનિટ માટે ચહેરા પર લગાવી રાખો અને બાદમાં પાણીથી ધોઇ લો. રોજ આ ઉપાય કરવાથી ચહેરા પરના ડાઘ-ધબ્બા દૂર થઇ જશે.

આઇસ ક્યુબ- જો ચહેરા પર આઇસ ક્યૂબથી માલીશ કરવામાં આવે તો ચહેરામાં ઇન્સ્ટંટ ગ્લો આવી જાય છે.