No Internet Zone: ભારતના 'નો ઈન્ટરનેટ' પર્યટન સ્થળો, અદ્દભુદ કુંદરતી સૌંદર્ય જોઈને ભૂલી જશો ઈન્ટરનેટની દુનિયા

આજના જમાનામાં દરેક લોકો પાસે સ્માર્ટફોન છે અને ઈન્ટરનેટ પણ છે. આજ કાલ લોકો પોતાના જીવનના દરેક પળ સોશિયલ મીડિયા પર શેર કરે છે તેમજ ઈન્ટરનેટ ઘણી રીતે મદદ પણ કરે છે. ઈન્ટરનેટની મદદથી અનેક સુવિધાઓ મળે છે, પરંતુ તેનાથી તણાવ અને ચિંતા વધે છે. તેથી સમયાંતરે તેનાથી દૂર રહેવું ફાયદાકારક બની શકે છે.

આ કારણોસર, જો તમે તમારા વેકેશન દરમિયાન મુલાકાત લેવા માટે 'નો ઈન્ટરનેટ' સ્થાનો શોધી રહ્યા છો, તો ભારતમાં આવા સ્થળો છે. આવો આજે અમે તમને ભારતના પાંચ મુખ્ય પર્યટન સ્થળો વિશે જણાવીએ જ્યાં ઈન્ટરનેટની સુવિધા ઓછી છે અથવા તો બિલકુલ જ નથી.

વેલી ઓફ ફ્લાવર્સ, ઉત્તરાખંડ: ઉત્તરાખંડની આ સુંદર જગ્યા પર મોબાઈલ નેટવર્ક આવતો નથી, પરંતુ જ્યાં સુધી આંખ જોઈ શકે છે ત્યાં સુધી આ જગ્યા રંગબેરંગી ફૂલોથી શણગારેલી છે. ફૂલોની મોસમ દરમિયાન આ સફર આદર્શ રહેશે.

અહીંની મુલાકાત તમને પૃથ્વી પર સ્વર્ગ જેવો અનુભવ કરાવી શકે છે કારણ કે ફરતી ટેકરીઓ અને સુંદર ફૂલો એક અદ્ભુત દૃશ્ય રજૂ કરે છે. અહીં તમે તમારી રજાઓ દરમિયાન આવી શકો છો અને તમારા જીવનની કેટલીક ક્ષણો શાંતિથી પસાર કરી શકો છો.

સ્વર્ગરોહિની, ઉત્તરાખંડ: ઉત્તરાખંડમાં સ્વર્ગરોહિની એ બીજું એક અવશ્ય મુલાકાત લેવાનું સ્થળ છે. એવું માનવામાં આવે છે કે દ્રૌપદી અને પાંડવો આ માર્ગ પરથી પસાર થયા હતા. અહીં મુલાકાત લેવાનો આદર્શ સમય માર્ચથી ડિસેમ્બર વચ્ચેનો છે અને આ એક નો ઈન્ટરનેટ ઝોન છે. આ સ્થળ સામાન્ય રીતે શાંત અને સુખદ વાતાવરણ જાળવે છે, જેનો તમે અનુભવ કરીને હળવાશ અનુભવી શકો છો.

અગુમ્બે, કર્ણાટક: કર્ણાટકનું આ સ્થળ તેની પ્રાકૃતિક સુંદરતા અને જૈવવિવિધતા માટે સમગ્ર વિશ્વમાં જાણીતું છે. જાણાવી દઈએ કે આ જગ્યા પણ નો ઇન્ટરનેટ વાળી છે. અહીં તમે સનસેટ પોઈન્ટ પરથી સૂર્યાસ્તનો સુંદર નજારો જોઈ શકો છો, જે તમારી સાંજને સુંદર બનાવે છે. તે જ સમયે, અહીં ઘણા સુંદર ધોધ પણ છે. આટલું જ નહીં, જો તમને વન્યજીવન પ્રત્યે લગાવ છે, તો તમે અહીં ઘણી જંગલી પ્રજાતિઓ જોઈ શકો છો.

યુમથાંગ વેલી: સિક્કિમમાં આ સ્થળ નો ઈન્ટરનેટ ઝોન પણ છે અને તેને વેલી ઓફ ફ્લાવર્સ તરીકે પણ ઓળખવામાં આવે છે. જો તમે આ ઘાટીની સુંદરતા જોશો તો તમે પણ સહમત થશો કે તેને આ નામ આપવું બિલકુલ ખોટું નથી. જો તમને ફૂલો ગમે છે તો તમને આ જગ્યા ગમશે. અહીં આવીને તમે તમારા જીવનની કેટલીક ક્ષણો વિવિધ પ્રકારના સુંદર ફૂલોની વચ્ચે શાંતિથી પસાર કરી શકો છો.

આંદામાન અને નિકોબાર ટાપુઓ: આંદામાન અને નિકોબાર ટાપુઓમાં બહુ ઓછા સ્થળોને છોડીને કોઈ ઇન્ટરનેટ સુવિધા ઉપલબ્ધ નથી. ઊંડા સમુદ્ર, ચમકતું વાદળી પાણી, સુંદર સૂર્યાસ્તનો નજારો અને સફેદ રેતી જોઈને તમે અહીં ઈન્ટરનેટ ન હોવાથી દુઃખી નહીં થાવ. તમે અહીં એકલા અથવા તમારા પ્રિયજનો સાથે સુખદ પવન અને શાંત વાતાવરણનો આનંદ માણી શકો છો.