ઘરે પનીર કેવી રીતે બની શકે

પનીરનો ઉપયોગ ઘણી બધી વાનગીઓ બનાવવામાં થતો હોય છે. પનીર જો ઘરે જ બનાવવામાં આવે તો તે એકદમ તાજુ અને સરસ બને છે અને તેનાથી બનતી વાનગી પણ વધારે સારી બને છે. વળી બહાર મળતા પનીરમાં પ્રિઝર્વેટીવ્ઝ પણ હોય છે. એટલેજ પનીર જાતે બનાવવુ વધારે સારૂ છે. તો ચાલો જાણી લઇએ પનીર બનાવવાની રીત.

– એક વાસણમાં છ કપ જેટલુ દૂધ લો અને મિડિયમ ફ્લેમ પર તેને ઉકાળો, દૂધ ઉકળે એટલે તેમા 2 ટેબલ સ્પૂન જેટલુ વિનેગાર કે લીંબુનો રસ નાખો. વિનેગર ન હોય તો એક ચતુર્થાંશ કપ જેટલુ દહીં પણ વાપરી શકાય. એક મિનિટ સુધી દૂધને બરાબર હલાવો., તરત જ દૂધ છુટુ પડવાની શરૂઆત થઈ જશે. જો આમ ન થાય તો ફરીથી ગેસ ઓન કરો અને દૂધને છુટુ ન પડે ત્યાં સુધી ઉકાળો. જરૂર લાગે તો વધુ એક ચમચી વિનેગર ઉમેરો.

– દૂધ અને પાણી છુટુ પડી જાય એટલે ગેસ બંધ કરો. , એક મોટા વાસણ પર ગરણી કે પાતળુ કપડુ મુકીને તેને ગાળી લો, વિનેગરની વાસ તેમા ન રહે તે માટે તરત જ તેના પર ઠંડુ પાણી રેડો. વાસ બિલકુલ ન રહે તે માટે તેને બરાબર ધોઈ લો.

– વધારાનું બધુ જ પાણી નીચોવી લો. કપડામાં બાંધેલા પનીરને 30 મિનિટ સુધી થોડી ઉંચી જગ્યા પર લટકાવી રાખો જેથી વધારાનું બધુ જ પાણી નીકળી જાય. બધુ પાણી નીકળી ગયા પછી પણ તેમાં ભેજ રહેશે., પનીરની ઉપર 3-4 કલાક માટે કોઈ ભારે વાસણ મુકી રાખો જેથી તે એકદમ સેટ થઈ જાય, 3-4 કલાક બાદ તમને એકદમ ફ્રેશ અને સરસ ટેક્સ્ચરવાળુ પનીર મળશે.

– આ પનીરના ટુકડા કરી લો અને તેને ફ્રીજમાં સ્ટોર કરો. જ્યારે જરૂર પડે ત્યારે પણ તેને કાપીને વાપરી શકાય., પનીર બનાવવા માટે ફૂલ ફેટનું દૂધ વાપરો. જુનુ થઈ ગયેલુ દૂધ વાપરશો નહીં. તેનાથી સારૂ પનીર નહી બને. ગાય, ભેંસ કે બકરીના દૂધમાંથી પણ પનીર બની શકે પણ તેમાં ફેટનું પ્રમાણ સારૂ હોવુ જરૂરી છે.