Health: શરીર માટે ઘણાં જ લાભકારી છે સેતુર, જાણી લો તેનાં અઢળક ફાયદા

લાઇફ સ્ટાઇલ ડેસ્ક: આમ તો દરેક ફળ સ્વાસ્થ્ય (Fruits for Health) માટે સારા હોય છે. પરંતુ બધા ફળમાં સ્વાસ્થ્ય લાભોના ગુણધર્મો નથી હોતા. તમે ગુલાબી સેતૂર (pink mulberries) તો જોયા જ હશે. પણ શું તમે ક્યારેય તેનો સ્વાદ ચાખ્યો છે? તેનો ફ્રૂટી ટેસ્ટ તમને ખૂબ પસંદ આવશે. પોષક તત્વોથી ભરપૂર આ સેતૂરમાં અસંખ્યા સ્વાસ્થ્ય સમસ્યાઓને સાજી કરવાની ક્ષમતા (Health Benefit of pink mulberries) હોય છે.

સેતૂર ભારતમાં ઉગાડવામાં આવતી બેરીની એક જાત છે. તે લાંબા બ્લેકબેરી જેવા દેખાય છે. સેલિબ્રિટી ન્યુટ્રિશનિસ્ટ રૂજુતા દિવેકરે (Celebrity nutritionist Rujuta Diwekar) સેતૂરના ફાયદાઓને ગણાવતી એક ઇન્સ્ટાગ્રામ પોસ્ટ શેર કરી છે. તેણી લખે છે, “સેતૂર, સેહટૂથ, તુથ અથવા ટૂટી, વગેરે ઘણા નામો ધરાવતું આ ફળ વિશ્વના ઘણી જગ્યાએ ઉપલબ્ધ છે. આ ફળ સ્વાસ્થ્યવર્ધક હોવાની સાથે ખૂબ કિંમતી પણ છે.”

આંખો માટે છે બેસ્ટ ફળ- આપણામાંના મોટા ભાગના લોકો આંખનો થાક, સૂકી આંખો, એકાગ્રતાનો અભાવ અને તાજેતરમાં સ્ક્રીન ટાઈમમાં વધારો થવાને કારણે ઝાંખી દ્રષ્ટિથી પરેશાન છે. માત્ર સ્ક્રીનથી દૂર રહેવાથી મદદ મળશે નહીં, પરંતુ આંખના સ્વાસ્થ્યને પ્રોત્સાહન આપવા માટે આપણે આપણા આહારમાં તે મુજબ સુધારો કરવાની જરૂર છે. શેહટૂટમાં કેરોટિન અને ઝેક્સાન્થિન હોય છે જે આંખના સ્વાસ્થ્યને પ્રોત્સાહન આપવા માટે ઉત્તમ છે. તેથી, આ પોષક તત્વો મેળવવા માટે સિઝનમાં તેનું સેવન જરૂર કરો.

રોગપ્રતિકારક શક્તિ કરશે મજબૂત- જો તમારી રોગપ્રતિકારક શક્તિ નબળી હોય તો તમે સેતૂરનું સેવન અવશ્ય કરો. નબળી રોગપ્રતિકારક શક્તિના કારણે ઘણા લોકોને સિઝનલ શરદી ઉધરસની સમસ્યા રહે છે. જો તમને પણ આવી મુશ્કેલી પડે છે તો તમારા શરીરમાં પૂરતા તત્વો અને વિટામિન પૂરા પાડવા માટે સેતૂરનું સેવન ખૂબ લાભદાયી છે.

પાચનશક્તિ માટે ફાયદાકારક- જો તમે પાચન સંબંધી સમસ્યાઓ જેમ કે પેટનું ફૂલવું, અપચો, કબજિયાત, વજન વધારવું વગેરેથી પીડાતા હોવ તો શેહટૂટે તમારા માટે બેસ્ટ મોસમી ફળ છે. તે સ્વાદમાં મીઠી હોઈ શકે છે પરંતુ તેમાં ઓછી કેલરી હોય છે જે પાચનને વધારવામાં મદદ કરે છે. વધુમાં આ બેરી પાચન ક્ષમતાઓને વધારીને વજન ઘટાડવામાં મદદ કરે છે.

બ્લડ શૂગર લેવલ કરશે મેનેજ- સેતૂરનો સૌથી સારો સ્વાસ્થ્ય લાભ એ છે કે તે શરીરમાં ગ્લુકોઝના શોષણને સુધારીને શરીરમાં બ્લડ શૂગરને નિયંત્રિત કરે છે. આ એક માન્યતા છે કે, ડાયાબિટીસના દર્દીઓ મીઠા ફળો ખાઈ શકતા નથી. શેતૂરમાં અમુક પોષક તત્વો અને રસાયણો જોવા મળે છે, જેનો ઉપયોગ ડાયાબિટીસની દવાઓમાં થાય છે

રક્ત પ્રવાહ માટે સૌથી શ્રેષ્ઠ- સેતૂરમાં એન્ટીઓક્સીડેન્ટ હોય છે જે શરીર માટે ઉત્તમ છે. શેહટૂટનું નિયમિત સેવન રક્ત વાહિનીઓને રક્ત પરિભ્રમણ અને અન્ય કાર્યોમાં સુધારો કરવામાં મદદ કરે છે. રક્ત વાહિનીઓમાંથી સરળતાથી વહે છે અને હૃદય અને અન્ય અવયવો સુધી પહોંચે છે. આ ઉપરાંત આ બેરીમાં રહેલ આયર્ન લાલ રક્ત કોશિકાઓના ઉત્પાદનમાં વધારો કરે છે. આમાં પોટેશિયમ અને પોલિફીનોલ્સ પણ હોય છે જે બ્લડ પ્રેશરને નિયંત્રણમાં રાખે છે.

લિવર હેલ્થ માટે વરદાન- શેતૂરમાં રહેલ પ્રચૂર આયર્નને લીધે તમારા યકૃત માટે ઉત્તમ છે. તેમના સેવનથી રક્ત શુદ્ધિકરણમાં મદદ મળે છે જે લીવરના સ્વાસ્થ્યને સુધારે છે.