ઓમેગા-3 ફેટી એસિડથી ભરપૂર છે આ શાકાહારી ફૂડસ, માછલીને પણ ટક્કર આપે છે

મેડિકલ ન્યૂઝ ટૂડે અનુસાર શરીર કરોડો કોશિકાઓથી બનેલુ છે અને આના સારા ફંક્શન માટે ઓમેગા-3 ફેટી એસિડની ખાસ જરૂરિયાત હોય છે. ઓમેગા 3 ફેટી એસિડ હાર્ટ, રક્ત વાહિનીઓ અને રક્ત પ્રવાહને સારું કરવા માટે તેમજ એક્ટિવ રાખવા માટેનું કામ કરે છે.

2020ના એક સંશોધનમાં જાણવા મળ્યુ છે કે ઓમેગા-3 મસ્તિષ્કના વિકાસ, કામકાજ અને ઉંમર વધારવા પણ મહત્વની ભૂમિકા ભજવે છે. ઓમેગા-3 ફેટી એસિડની કમીને કારણે અનેક પ્રકારની સ્વાસ્થ્યને લગતી તકલીફો થતી હોય છે. આ ઉણપને કારણે ડિપ્રેશન, બાઇપોલર, ડિસઓર્ડર અને એટેન્શન ડિસઓર્ડર વગેરે શામેલ છે. આની કમીથી અલ્ઝાઇમર જેવા રોગો પણ થઇ શકે છે.

ચીયા સિડ્સમાં એએલએ ઓમેગા 3 ફેટી એસિડનો સારામાં સારો સ્ત્રોત હોય છે. આમાં ફાઇબર અને પ્રોટીનની માત્રા ભરપૂર હોય છે. આ તમે ઇંડાની જગ્યાએ ખાઇ શકો છો. વેજિટેરિયન લોકો માટે આ બેસ્ટ ઓપ્શન છે. આ સિવાય તમે સ્મૂધીમાં પણ ચિયા સિડ્સ નાખીને ડાયટમાં એડ કરી શકો છો. ચિયા સિડ્સ સ્મૂધી નાખો છો તો ટેસ્ટ મસ્ત આવે છે.

રાજમામા પણ ઓમેગા 3 ફેટી એસિડની માત્રા સારી હોય છે. અડધો કપ રાજમાં 0.10 ગ્રામ એએલએની માત્રા હોય છે. તમે રાજમાનું શાક તેમજ સલાડના રૂપમાં ખાઇ શકો છો. રાજમા તમારા માટે એક બેસ્ટ ઓપ્શન બની રહે છે. રાજમા ખાવાથી હેલ્થને બીજો પણ અનેક ફાયદો થાય છે.

સોયાબિનમાં પણ ઓમેગા 3 ફેટી એસિડની માત્રા સારી હોય છે. સોયાબિનનું તેલ પણ તમે યુઝમાં લઇ શકો છો. આ ઓઇલ તમારા શરીરમાં અનેક પ્રકારની ઉણપ પૂરી કરવાનું કામ કરે છે.

અખરોટમાં ઓમેગા 3 ફેટી એસિડની માત્રા સારી હોય છે. અખરોટ એક એ ડ્રાય ફ્રૂટ્સ છે જે ડોક્ટર્સ પણ ખાવાની સલાહ આપતા હોય છે. આ તમારા માટે એક બેસ્ટ ઓપ્શન છે. તમારે ડેઇલી અડઘી મુઠ્ઠી જેવા અખરોટ ખાવા જોઇએ. (નોંધ: આ માહિતી સામાન્ય જાણકારી આધારિત છે. કોઇ પણ ઉપાય અજમાવતા ડોક્ટરની સલાહ લેવી આવશ્યક છે.)