ફક્ત વાળ જ નહીં ચહેરાની ચમક પણ નીખારશે ડુંગળીનાં આ ઉપાય

Onion Skin Care Hacks : સ્વાદિષ્ટ ભોજન બનાવવા માટે ડુંગળી (Onion) નો ઉપયોગ કરવામાં આવે છે. અનેક લોકો વાળને સ્ટ્રોંગ અને સિલ્કી બનાવવા માટે ડુંગળીનો ઉપયોગ કરે છે. ડુંગળીનો ઉપયોગ કરવાથી વાળ મજબૂત અને શાઈની બને છે. હવે સ્કીન કેર (Skin Care) માટે પણ ડુંગળીનો ઉપયોગ કરવામાં આવે છે. સોશિયલ મીડિયા પર સ્કીન કેર માટે ડુંગળીનો ઉપયોગ કરવાની રીત ખૂબ જ ફેમસ થઈ રહી છે. ડુંગળીમાં એક ખાસ એન્ઝાઈમ હોય છે, જે ત્વચાને ફ્લેક્સિબલ, મુલાયમ અને ગ્લોઈંગ બનાવે છે. સ્કીન કેરમાં ડુંગળીનો ઉપયોગ કરવાથી થતા ફાયદાઓ (Benefits) વિશેની અહીં જાણકારી આપવામાં આવી છે.

ગ્લોઈંગ ત્વચા માટે-  જો તમારી સ્કિન ડ્રાય છે, તો તમે ડુંગળીનું ફેસ માસ્ક બનાવી શકો છો. ડુંગળીના ફેસ માસ્કનો ઉપયોગ કરવાથી ચહેરા પર નેચરલ ગ્લો આવે છે. આ ફેસ્ક માસ્ક ચહેરા પરના દાગ ધબ્બાને દૂર કરવા માટે લાભદાયી છે. ડુંગળીનું ફેસ માસ્ક બનાવવા માટે 3 ચમચી દહીં અને એક નાની ડુંગળીની જરૂરિયાત રહેશે.

ડુંગળીનું ફેસ માસ્ક બનાવવાની રીત- સૌથી પહેલા ડુંગળીને પીસીને એક પેસ્ટ બનાવી લો. ડુંગળની પેસ્ટમાં 3 ચમચી દહીં મિશ્ર કરી લો. હવે તમારુ ડુંગળીનું માસ્ક તૈયાર છે, આ ફેસ માસ્ક ચહેરા પર લગાવી લો. 15 મિનિટ બાદ ચહેરો સાફ પાણીથી ધોઈ લો. તમે સપ્તાહમાં એક વાર આ ફેસ માસ્કનો ઉપયોગ કરી શકો છો.

ખીલને દૂર કરવા માટે- ખીલ અને એક્નેની સમસ્યાને દૂર કરવા માટે ડુંગળીનું પેક ચહેરા પર લગાવી લો. ડુંગળીનું પેક બનાવવા માટે 1 ચમચી લીંબુનો રસ, 1 ચમચી મધ અને એક ડુંગળીની જરૂરિયાત રહેશે. હવે ડુંગળીની પેસ્ટ બનાવી લો અને તેમાં 1 ચમચી લીંબુનો રસ અને 1 ચમચી મધ મિશ્ર કરી દો. હવે આ તમામ વસ્તુઓને યોગ્ય રીતે મિશ્ર કરી દો. હવે આ પેક ખીલ હોય ત્યાં લગાવી લો. 20 મિનિટ બાદ ઠંડા પાણીથી ચહેરો ધોઈ લો.

હોઠ પરની કાળાશ દૂર કરવા માટે- ડુંગળીનો ઉપયોગ કરવાથી હોઠ પરની કાળાશ દૂર થાય છે. ઉપરાંત હોઠ ગુલાબી, મુલાયમ અને ચમકદાર બને છે. ડુંગળીના રસમાં વિટામીન ઈ અને તેલ મિશ્ર કરી લો. રાત્રે સૂતા પહેલા તેને હોઠ પર લગાવી લો. આ પ્રકારે નિયમિત એક મહિના સુધી કરવાથી હોઠ પરની કાળાશ દૂર થઈ જશે.

(નોંધ- આ લેખમાં આપવામાં આવેલ જાણકારીઓ અને સૂચનાઓ સામાન્ય જાણકારી પર આધારિત છે. ગુજરાતી ન્યૂઝ 18 આ બાબતની પુષ્ટી કરતું નથી. તેના પર અમલ કરતા પહેલા સંબંધિત નિષ્ણાંતનો સંપર્ક કરવો.)