મોંધા લીંબુનાં આ 5 સરળ ઉપાય કરશે ખીલની સમસ્યા દૂર, ચહેરો કરશે Glow

લાઇફ સ્ટાઇલ ડેસ્ક: આ ગરમીનાં સમયમાં બહાર તડકામાં નીકળીને પાર્લરમાં ગયા કરતાં ઘરે બ્યૂટી ટિપ્સને (Beauty tips) ફોલો કરીને તમે પણ ચહેરા પર સુંદર નિખાર લાવી શકો છો. જો કે ચહેરાને ગૌરવર્ણ આપવા માટે લીંબુ શ્રેષ્ઠ ઉપાયમાંથી એક છે કારણ કે તેમાં ભરપૂર પ્રમાણમાં વિટામિન સી છે અને તે એક નેચરલ બ્લીચ પણ છે. અમે જાણીએ છીએ કે હાલમાં લીંબુનો ભાવ ઘણો વધારે છે. પણ આ જ કારણે આજે અમે તમારી માટે લીંબુના તેવા પાંચ ઉપાયો લઇને આવ્યા છીએ જે તમારા ખીલની સમસ્યાને પણ કાબુમાં કરવામાં મદદરૂપ થશે અને આ ઉનાળાની સિઝનમાં જો લગ્ન પ્રસંગ આવે તો તેવાં સમયે તમારા ચહેરા પર નિખાર પણ લાવશે. તે પણ તમે પાર્લરમાં જઇ ફેશિયલ પાછળ જે ખર્ચો કરો છો તેનાંથી તો ઘણો જ સસ્તામાં આ ઉપાય તમને પડશે.

સ્નાન કરતા પહેલા લીંબુને ચહેરા પર રગડો. તેનો રસ સૂકાઇ જાય પછી ચહેરો સાફ કરી લો. વધુમાં તમે નહાવાના પાણીમાં પણ લીંબુનો રસ મિક્સ કરી શકો. વધુ ખીલ થતા હોય તો દર એક કલાક ચહેરા પર લીબુંનો રસ લગાવતા રહો. જેથી થોડાક દિવસમાં ખીલની સમસ્યાથી રાહત મળી જશે.

લીંબુના રસમાં ગ્લિસરીન અને ખાંડ મિક્સ કરીને રગડવાથી ખીલની સમસ્યાથી ફેર પડે છે. તે સિવાય તેનાથી સન ટેનની સમસ્યા પણ દૂર થાય છે.

તજ અને લીંબુ ખીલ માટે સૌથી અસરકારક ઉપાય છે. તજને પીસીને તેનો પાઉડર બનાવી લો. 1/4 ચમચી પાઉડરમાં થોડાક લીંબુના ટીંપા ઉમેરીને તેની પેસ્ટ બનાવીને ચહેરા પર લગાવી લો. એક કલાક પછી તેને ધોઇ લો. ખીલની સમસ્યાથી રાહત મળી જશે.

<br />અડધી ચમચી લીંબુના રસ અને હળદર લો. તેમાં એક ચમચી ગરમ પાણી આ મિશ્રણ ગરમ કરો. અને આ પેસ્ટને થોડી ઠંડી થતા ચહેરા પર લગાવો. સૂકાઇ ગયા પછી ચહેરાને બરાબર ધોઇ લો, ચહેરા પરથી ખીલ તેમજ તેના ડાઘ-ધબ્બા દૂર થઇ જશે.

જો તમારી ત્વચા ઓઇલી છે તો રાત્રે સૂતા પહેલા એક ચમચી મલાઇમાં થોડાક લીંબુનો રસ મિક્સ કરી ચહેરા પર લગાવી લો. સવારે ચહેરાને સાફ પાણીથી ધોઇ લો, તેનાથી ચહેરા પરના ડાઘ-ધબ્બા દૂર થશે અને સાથે જ ત્વચા પરના ઓઇલની સમસ્યાથી પણ રાહત મળશે. Disclaimer : ઉપરોક્ત જાણકારી સર્વ સામાન્ય માહિતી પર આધારિત છે. ન્યૂઝ 18 ગુજરાતી તેની પુષ્ટી નથી કરતું. ઉપયોગમાં લેતા પહેલા જાણકાર કે ડોક્ટરની સલાહ લેવી જરૂરી છે.