Diwali 2020 : દિવાળીમાં ઓછી મહેનતે ઘરની સફાઇ કરવી હોય તો ટ્રાય કરો આ ટિપ્સ

દિવાળી (Diwali 2020) નજીક આવતા જ ગૃહિણીઓ સમતે ઘરના લોકો દિવાળીમાં(Diwali)ઘરની સફાઇમાં મંડી પડે છે. પણ જો તમારે ભારે મહેનત કરી થાકવું ના હોય તો અમે તમારા માટે કેટલીક તેવી ટીપ્સ લાવ્યા છીએ જેમાં તમારે ઓછી મહેનતે ફટાફટ ઘરની સફાઇ (house cleaning) થઇ જશે. અમે ઘર પણ ચમકી જશે. આ લેખ અમે તમારા માટે ઘરની સફાઇની કેટલીક ટિપ્સ લાવ્યા છીએ.(House Cleaning Diwali tips) જે તમારા ખૂબ કામમાં આવી શકે છે. દિવાળીની સફાઇ માટે બેંકિંગ સોડા અને વ્હાઇટ વિનેગર તથા લીંબુનો આ ઉપાય તમને બજારના મોંઘા પ્રોડક્ટ કરતા પણ સારું પરિણામ આપી શકે છે.

વ્હાહઇટ વિનેગરથી કરો ઘરની કાચની સફાઇ. આ માટે એક બોટલમાં વ્હાઇટ વિનેગર ભરી કાચ પર સ્પ્રે કરો અને ચોખ્ખા કપડાથી તેને સાફ કરી લો. કાચના બારી બારણાં આનાથી સરસ રીતે સાફ થઇ જશે.

બાથરૂમમાં નળ અને દિવાલો ખૂબ જૂની થઇ ગઇ હોય કે પછી તેની પર ટફ ડાધ દૂર કરવા માટે લીંબુનો રસ, બેકિંગ સોડા અને લિક્વિડ સાબુ મેળવી કરો સફાઇ. દુર્ગધ પણ દૂર થશે અને ચમક પણ વધશે. ખાસ કરીને જૂના ક્ષારના નિશાન આનાથી દૂર થશે.

પિત્તળ વાસણોની સફાઇ માટે અરીઢાના પાણીનો ઉપયોગ કરો. રાતભર અરીઢા પાણીમાં રાખો. સવારે તેનો 1 કલાક માટે ઉકાળો. અને પછી આ પાણીને એક બોટલમાં ભરી રાખો. અને પિત્તળ વાસણ પર સ્પ્રે કરીને થોડી વાર રાખો પર પછી કરો સફાઇ. ચાંદી અને પિત્તળ બંનેના વાસણ કે વસ્તુ પર અરીઢાના પાણીથી સરસ રીતે સફાઇ થશે.

પાણીના શાવરની સફાઇ માટે શાવરને નીકાળી તેને વિનેગર કે કોકાકોલા ભરેલી પ્લાસ્ટિકની થેલીમાં મૂકી દો. થોડીવાર રાખી ગરમ પાણીથી શાવર મૂકો બધો ક્ષાર પણ નીકળી જશે અને શાવર ચોખ્ખો થઇ જશે. આમ દિવાળીની સફાઇમાં વ્હાઇટ વિનેગર, લીંબુ અને બેકિંગ સોડોના આ નાનો નુસખો ટ્રાય કરશો તો ઘર ઓછી મહેનતે ચમકી ઉઠશે. અને લોકો તમારી ચોખ્ખાઇના વખાણ કરશે.

અરીસાની સફાઇ માટે કાપડ નહીં પણ ટિસ્યૂ પેપર કે જૂના છાપાનો ઉપયોગ કરો. આ માટે અરીચાના કાચ પર પહેલા અરીઢાનું પાણી સ્પ્રે કરો. કે પછી તમે કોઇ સાબુનું પાણી પણ લઇ શકોય પછી ભીના કપડાથી અરીસો સાફ કરો. અને છેલ્લે ટિશ્યૂ પેપર કે ન્યૂઝ પેપરથી અરીસો સાફ કરો. એકદમ સરસ રીતે સાફ થઇ જશે.<br />Disclaimer : ઉપરોક્ત જાણકારી સર્વ સામાન્ય માહિતી પર આધારિત છે. ન્યૂઝ 18 ગુજરાતી તેની કોઇ પુષ્ટી નથી કરતું. આને ઉપયોગમાં લેવા પહેલા જાણકારની સલાહ લેવી જરૂરી છે.