Diwali 2020: મોઢા પરનાં ખીલ, કરચલી દૂર કરશે આ ઘરગથ્થુ રામબાણ ઇલાજ

લાઇફ સ્ટાઇલ ડેસ્ક: દીવાળીને હવે ગણતરીનાં દિવસો બાકી છે ત્યારે જો તમે પણ આ વખતે ચહેરાની સુંદરતા વધારવા ઇચ્છો છો તો તે માટે રસોડાનો ચક્કર મારી લો. આપણાં રસોડામાં ચહેરા અને વાળની સુંદરતા માટે ઘણી વસ્તુઓ છે જેની મદદથી આપણે સુંદર દેખાઇ શકીએ છીએ.. એટલું જ નહીં આ ઉપાયોથી આપ કેમિકલ રહિત પ્રોડક્ટ્સનો ઉપયોગ કરશો. આ કેમિકલ યુક્ત લોશન ક્રીમ, સીરમમાં કેમિકલ્સભરપુર હોય છે જે લાંબા ગાળે આપણી સ્કિનને નુક્શાન જ પહોંચાડે છે. ત્યારે ચાલો આ વખતે ઘરેલું ઉપાયથી જ ચહેરાની ચમક અને સુંદરતા વધારીએ અને તમામ સમસ્યા દૂર કરીએ.

-મધ અને મલાઇને મિક્સ કરી તેની પેસ્ટ તૈયાર કરી લો અને ત્યારબાદ તેને ચહેરા પર લગાવો તો તમારી ત્વચા મુલાયમ બની જાય છે અને તમારો ચહેરો તાજગીથી ભરેલો રહે છે, આ ઉપાય શિયાળાની ઋતુમા ઉત્તમ સાબિત થશે.

-ટામેટાનો રસ કાઢી લો અને તેમા થોડોક લીંબુનો રસ ભેળવી લો અને તેને તમારી મોઢા પર લગાવો, જેથી તમારી સ્કીન મુલાયમ બની જશે, દાગ ધબ્બા અને ખીલ દૂર થશે અને ચહેરો પણ ચમકશે.

-આ ઉપરાંત ઘી અને ગ્લિસરીન ત્વચા માટે એક શ્રેષ્ઠ ઘરગથ્થુ ઉપાય છે, જે મોઇશ્ચરાઇઝરનુ કાર્ય કરે છે, તેનાથી તમારી ત્વચાને અઢળક લાભ પહોંચે છે.

-દૂધ, મીઠું અને લીંબુનાં રસને મિક્સ કરીને તેનુ મિશ્રણ તૈયાર કરી ત્યારબાદ તેને ચહેરા પર લગાવી લો. આ મિશ્રણ સૂકાઇ જાય એટલે સાદા પાણીથી ચહેરાને ધોઇ લો. આ ઉપાય અજમાવવાથી તમારી ત્વચાના છીદ્રો ખુલી જશે અને તમને ફરક જોવા મળશે.

-આ સિવાય મોઢા પર ચમક લાવવા માટે તમે દ્રાક્ષ નો પણ ઉપયોગ કરી શકો છો, જો તમે દ્રાક્ષ ને વાટીને તેની એક પેસ્ટ તૈયાર કરી લો અને ત્યારબાદ આ પેસ્ટ ને તમારા મોઢા પર લગાવો અને 15 મિનિટ સુધી રાખી મૂકો તો તમારી ત્વચા સાથે સંકળાયેલ તમામ સમસ્યાઓ દૂર થશે.

-કોબીજના રસને મધમા મિક્સ કરીને તેને ચહેરા પર લગાવવાથી તમારા ચહેરા પરની કરચલી અને ખીલની સમસ્યામાથી તમને મુક્તિ મળે છે અને તમારો ચહેરો ચમકતો રહે છે.