યૌન ક્ષમતા વધારશે આ આસન, દિવસમાં કાઢો માત્ર પાંચ મિનિટ

દિવસભર કામ, તણાવ અને થાક તમારી સેક્સ લાઈફને અસર કરે છે. જે માટે યોગ અને કસરતો તો કારગત છે જ પરંતુ તેમાં પણ ધનુરાસનના રોજનો અભ્યાસ આ કારણમાં ફાયદાકારક બની શકે છે. આ આસનથી પુરુષોમાં ઈરેક્ટાઈલ ડિસ્ફંકશનની સમસ્યા દૂર થાય છે સાથે મહિલાઓમાં પણ કામેચ્છા વધારે છે. આ ઉપરાંત, આ આસનના નિયમિત અભ્યાસ દ્વારા પ્રજનન ક્ષમતા અને પીરિયડ્સમમાં પણ આરામ રહે છે. સાથે જ કમર તથા પીઠના દર્દમાં પણ આરામ મળે છે.

આસન કરવાની રીત- સૌ પ્રથમ જમીન પર ઊંધા સૂઈ જાઓ. બંને પગ ભેગા રાખી લંબાયેલ રાખો. હવે પગને ઢીંચણમાંથી વાળીને પાનીઓ નિતંબ પ્રદેશ ઉપર આવે તેમ રાખો. પગની ઘૂંટીઓને તે તે બાજુના હાથથી પકડો. એટલે કે ડાબા હાથે ડાબા પગનું કાંડુ અને જમણા હાથે જમણા પગનું કાંડુ પકડો.

હવે બંને હાથની મજબૂત પકડ રાખી બંને પગ ખેંચો અને સાથે સાથે આગળથી ધડને નાભિ સુધી ઊંચું કરી શરીરને ધનુષ્યાકાર કરો. માથું પાછળ ઝુકાવી આકાશ તરફ જુઓ. આ સમયે નાભિની ઉપર અને નીચેનો માત્ર ચાર આંગળ જેટલો શરીરનો ભાગ જ જમીન પર અડકેલો હશે. ઉરુ અને પેટના બીજા ભાગ જમીનથી અધ્ધર હશે. અને બંને પગ માથું ને બરડો એક રેખામાં હશે એટલે કે વળેલા કે વાંકા નહીં હોય.

પાંચ-સાત સેકંડથી શરૂ કરી ત્રીસેક સેકંડ સુધી આસન સ્થિર રાખી પછી ઉલટા ક્રમથી આસન છોડવું. આ આસનમાં વધારે સમય સ્થિર રહેવા કરતાં તેના આવર્તનો કરવા હિતાવહ છે. આસન દરમ્યાન શ્વાસની ગતિ સામાન્ય રીતે ચાલવા દેવી.